Esai 7:3 - Sră Goh 2018

³ Gen Yàng Jehôwa đơs mơ Esai lah: “Lik lòt tĕ tìp mat mơ Aca, mê mơ kòn klau mê dê la Sea Jasup, di tiah dut tơmbòr dà Tơnau Hơđang, tòm gùng lòt hơ sre cau chài ñòm brài,

Esai 7:3 ပူးပေါင်းရင်းမြစ်များ

II Ală Bơtau 16:1

Tòm nam dơ̆ jơt poh rài Peka kòn klau Remalia, gen Ahas kòn klau Jôtham bơtau Juda, sơntòm at bồ.

II Ală Bơtau 18:17

Bơtau Asiri sồr Tartan, Rapsaris, mơ Rapsake, la ală kwang dờng at bồ mpồl ling khai dê, lam bal dô mpồl ling oă bơh Lakis tus hơ bơtau Ejekia tòm Jerusalem. Bol khai tus hơ Jerusalem mơ ơm ntào di tơmbòr dà đah đang tơnau, ơm di gah ƀlàng sre cau òs pìh phan.

II Ală Bơtau 20:20

Ală bơta ndai Ejekia dê, bơta pràn kơldang khai, bơta bơt bơtào tơrlung ơn dà mơ cèng dà mut tòm ƀòn, gen neh cih tòm sră yal broă kòp nam ală bơtau Juda dê.

Nehemi 3:16

Tơnơ̆ khai la Nehemi kòn klau Asbuk cau kwang at bồ kơnhwàl Bet Jur bơt wơl. Khai bơt wơl dơrñang bơh tiah tòm toh mat mơ bơtô ƀồc Dabit dê, ngài jơl tus hơ tơnau cau neh tò mơ hìu ală cau ling jak tòmlơh dê.

Lik Ejiptơ 7:15

Àng drim hìng mê lòt tĕ tìp mat mơ Pharaôn tòm tŭ khai lòt tus hơ gah hiòng dà. At tĕ gai kwềt neh gơlik gơs bơs mơ ơm gơn tĕ di gah hiòng Nil nàng tìp mat mơ khai.

Esai 10:21

Dô mpồl gam wơl rơp rê wơl, hơ̆ la dô mpồl gam wơl Jakôp dê rơp rê wơl hơ Yàng Tom Trồ Gơnap Gơnoar Dờng.

Esai 22:10

Bol mê kòp ală hìu tòm Jerusalem, mơ bol mê sòr tơrlah ală hìu gơs dơrñang kơ̆ cê.

Esai 22:11

Bol mê bơt tơnau dà digùl bàr đah dơrñang ƀòn nàng prap lòi dà tơnau yau, mơya bol mê ò tơnggòr sền di Bơtau lơh gơs bơta hơ̆; hala ki ngàm di Bơtau neh lơh nền bơta hơ̆ bơh yau òr.

Esai 36:2

Bơtau Asiri sồr Rapsake bal mơ dô mpồl ling pràn kơldang bơh Lakis tus hơ bơtau Ejekia tòm Jerusalem. Rapsake ntào di gah bòng dà tơnau hơđang, tòm gùng me lòt hơ ƀlàng cau chài ñòm brài.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Jeremi 22:1

Yàng Jehôwa đơs be do: “Mù tĕ hơ gơlang bơtau Juda, mơ tềng hơ̆ mê yal tơlik jơnau do,

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;