Esai 7:20 - Sră Goh 2018

²⁰ Tòm ngai hơ̆ Yàng Jehôwa rơp ngui dô nơm pềs koah ơpah bơh đah ne hiòng hơ̆ la bơtau Asiri nàng koah bồ bol mê bal mơ sơnò jơng bol mê dê, mơ kung koah tơn sơnò tềp bol mê dê tai sơl.

Esai 7:20 ပူးပေါင်းရင်းမြစ်များ

Esai 1:5

Ñchi bơh tài bol mê jòi bơta pù ơlih rlau tai taih? Ñchi bơh tài bol mê kư̆ gam tòmdră sùm taih? Jơh dô nơm bồ kòp jê, jơh dô nơm nùs jê sồt.

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Esai 11:15

Yàng Jehôwa rơp lơh soat kwil dàlềng Ejiptơ dê; Kơnràñ rơp pò tê ai càl duh hơđang hiòng dờng Ơphrat, Kơnràñ rơp cah is gơ gơlik poh nơm croh dà mơ lơh gơs dô nơm gùng cau rgơi tiă mơ jơng.

Esai 36:1

Tòm nam dơ̆ jơt poan rài bơtau Ejekia at bồ, Sennacerip, bơtau Asiri dê, brồ lơh mơ tòmdră mơ ală ƀòn dờng kơ̆ cê Juda mơ tòmpìt geh.

Esai 8:7

gen tàng Yàng Jehôwa rơp cèng dà tih hiòng hòr pràn dờng tòmdră mơ bol khai; hơ̆ la bơtau Asiri bal mơ jơh bơta gơklŏ khai dê; gơ rơp hòr guh hơđang jơh ală hiòng gơ dê, gơ ngŏ lìu hơđang jơh ală àr gơ dê;

Esai 9:13

Mơya làng bol ò rê wơl hơ Bơtau neh lơh glài bol khai, bol khai kung ò jòi Yàng Jehôwa Gơnap Gơnoar Dờng.

Jeremi 2:18

Gen ñchi bơta mê geh tŭ lòt hơ Ejiptơ, Nàng hùc dà hiòng Nil ơ? Hala bol mê geh bơta lơi tŭ lòt hơ Asiri, Nàng hùc dà hiòng Ơphrat ơ?

Ejekiel 29:18

“Ơ kòn mơnus, Nebukatnessar, bơtau Babilôn, neh kup mpồl ling khai dê lơh broă bòl glar ngan tòmdră mơ Tirơ. Kòp nơm bồ neh roh jơh sŏ, kòp nơm pơnì neh kong siar roh. Bulah behơ̆ khai mơ mpồl ling khai dê òhềt dòp geh phan lơi bơh Tirơ nàng tơm jền tơngai bơta bòl glar lik lòt tòmdră gơ.

Ejekiel 29:20

Añ neh ai Ejiptơ khai in lơh gơs phan tơm bơta bòl glar khai neh kong, tài bơh khai mơ mpồl ling khai dê neh lơh broă hơ̆ Añ in,’ Jehôwa Yàng Tom Trồ đơs behơ̆.