Esai 7:18 - Sră Goh 2018

¹⁸ Tòm ngai hơ̆, Yàng Jehôwa rơp hwac hòi ală rhài bơh ală tồ dà Ejiptơ dê, mơ ală òng bơh lơgar Asiri.

Esai 7:18 ပူးပေါင်းရင်းမြစ်များ

Đơs Crih 105:31

Kơnràñ đơs, gen gơs sơmac lòt tus mơ mpồl, Mơ sơmềt gơs làm jơh tòm lơgar bol khai dê.

Đơs Crih 118:12

Bol khai neh gơrwàng añ be mpồl òng, Bol khai lơh kung be lơmpiat ồs sa lò; Añ ai sơnđan Yàng Jehôwa mơ tơnroh bol khai.

Lik Ejiptơ 8:21

Dilah mê ò lòi bol khai in lik lòt, Añ rơp sồr ală mpồl rhài tus kung be ală puk mhwal tus hơđang mê, hơđang ală cau kwang duh broă mê dê, hơđang làng bol mê dê, mơ hơđang ală hìu mê dê. Ală hìu cau Ejiptơ dê rơp gơs bềng rhài, mơ làm jơh ù tiah sơl.

Lik Ejiptơ 8:24

Mơ Yàng Jehôwa neh lơh behơ̆. Ală mpồl rhài gal ngan gơ par tus kung be ală puk mhwal tus tòm gơlang Pharaôn dê, tòm hìu ơm ală cau kwang duh broă khai dê, mơ ù tiah làm lơgar Ejiptơ gơkòl rhài phà tơnroh jơh.

Esai 13:5

Bol khai tus bơh lơgar ngài, bơh tiah lồi plai ù mơ dut trồ dê, Yàng Jehôwa mơ ală phan tòmlơh, bơta gơjrañ dờng Kơnràñ dê, nàng tơnroh jơh plai ù.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 5:26

Kơnràñ rơp pò tơngguh bồng bi dô nơm làng bol ơm ngài in, Kơnràñ hwac hòi dô nơm làng bol di tiah lồi plai ù. Do, bol khai sơrbac sơrbang tus mhar!

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Sacari 10:8

Añ rơp lơh tềl tồ bol khai in git mơ pơjum tơrgòm bol khai. Bơh Añ neh dong tơwài bol khai; ntum khà bol khai dê rơp gal ngan kung be lài òr.

Yal Wơl 1:44

Ală cau Amôrit ơm tòm ală mơnơm hơ̆ lik lòt tòmlơh mơ bol mê; bol khai ting jat bol mê kung be dô mpồl lơwe mơ lơh alah bol mê tòm gùng bơh di Seir jơl tus hơ Horma.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Yal Wơl 7:20

Rlau mơ hơ̆, Jehôwa Yàng Tom Trồ bol mê dê rơp sồr ală òng tus digùl bol khai jơl tus di tŭ tơnroh jơh ală cau gam kis neh ntoat dô bơh di bol mê.

Jôsue 24:12

Añ neh sồr òng lòt lài mơ bol mê nàng ting bơtrơh bol khai bơh di đap bol mê, bal mơ bàr nă cau bơtau Amôrit dê; hơ̆ ò di bơh đào bol mê dê hala àtak bol mê dê.