Esai 7:14 - Sră Goh 2018

¹⁴ Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 7:14 ပူးပေါင်းရင်းမြစ်များ

Sơnròp Gơlik Gơs 16:11

Cau gơnrơh Yàng Jehôwa đơs mơ khai lah: “Do, ai gơs bun, rơp deh dô nă kòn klau, tơmoh tĕ sơnđan khai la Ismael, bơh Yàng Jehôwa neh kơno bơta bòl glar ai dê.

Sơnròp Gơlik Gơs 29:32

Lea bun, deh dô nă kòn klau sơnđan la Ruben, bơh khai đơs lah: “Yàng Jehôwa neh gŏ bơta bòl glar añ, tŭ do bau añ rơp kòñ gơboh di añ.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 30:6

Racel đơs lah: “Yàng Tom Trồ neh cahrña song ring añ in, kơno jơnau añ mơ ai añ in dô nă kòn klau,” bơh hơ̆ khai sơnđan kòn klau hơ̆ la Dan.

Sơnròp Gơlik Gơs 30:8

Racel đơs lah: “Añ neh tòmdră ngan mơ bi ùr añ, mơ añ neh geh pha,” tài bơh hơ̆ khai sơnđan kòn klau do lah Neptali.

Sơnròp Gơlik Gơs 4:25

Adam ơm bal tai mơ bau khai, mơ khai deh dô nă kòn klau sơnđan la Set; bau ùr đơs lah: “Tài bơh Yàng Tom Trồ neh ai añ in dô nă kòn klau ndai ala Abel mơ Kain neh tơnchơt rau.”

I Ală Bơtau 13:3

Kung tòm ngai hơ̆, khai ai dô nơm tềl krơi, mơ đơs lah: “Do la tềl krơi mơ Yàng Jehôwa neh đơs: Cơnòng duh khoai rơp tơrlơm, bùh hơđang cơnòng duh khoai rơp gơtuh tòm tiah.”

Đơs Crih 46:8

Tus tĕ sền ală broă lơh Yàng Jehôwa dê, Hơ̆ la Kơnràñ neh lơh tơrlah hơđang ù.

Esai 38:7

Do la tềl Yàng Jehôwa ai mê in nàng đal git Yàng Jehôwa rơp lơh jat jơnau Kơnràñ neh ho:

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Esai 8:8

gơ rơp hòr mut tòm Juda, gơ cèng pơrdô jơh, gơ lòt gan mơ bam ndơp tus di ngko; Ơ Emmanuel, gơ pò đar jơm gòm jơh đah ơnàng lơgar mê dê.”

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Jeremi 31:22

Ơ kòn ùr ò dòn song, ai rơp lòt lềng làng jơl tus di tŭ lơi taih? Bơh Yàng Jehôwa neh bơtào gơs dô bơta pa hơđang ù, Hơ̆ la cau ùr rơp gòm gơrwàng cau klau.”

Jeremi 44:29

Yàng Jehôwa đơs: ‘Do la tềl sơnio mơ bol mê bơh hơ̆ git Añ rơp lơh glài bol mê tòm tiah do, nàng bol mê git lah jơnau Añ đơs tòmdră mơ bol mê ngan neh gơlik di ngan.’

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Luka 1:31

Do, ai rơp bun, deh dô nă kòn klau, tơmoh sơnđan la Jesu.

Luka 1:35

Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê.

Luka 2:12

Do la tềl sơnio bol mê in: Bol mê rơp gŏ dô nă oh nga klơm mơ ồi, bic tòm bòng ñhơt.”

Luka 20:44

Behơ̆ Dabit neh sơnđan Kơnràñ la Yàng, gen mbe Kơnràñ la kòn khai dê taih?”

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Rôma 9:5

bol khai la kòn sau neh gơs ală ồng pàng cau Hebrơ màng ryŭ, mơ jat đah poac să bơh làng bol hơ̆ tơnggơs Bơtau Krist, dan Yàng Tom Trồ la Bơtau at bồ hơđang jơh ală bơta, pal geh jòng ro gam sùm sùm. Amen.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Ală Kwang Cahrña 6:36

Gen Gideôn đơs mơ Yàng Tom Trồ lah: “Nàng sền gŏ gơs Yàng rơp dong tă Israel kơnòm di tê añ, be jơnau Kơnràñ neh đơs,

I Samuel 1:20

Tòm ală ngai tơnơ̆ hơ̆, Anne bun mơ deh dô nă kòn klau. Khai tơmoh sơnđan kòn hơ̆ la Samuel, mơ đơs lah: “Añ neh dan khai mơ Yàng Jehôwa.”

I Samuel 4:21

Khai tơmoh sơnđan kòn hơ̆ la Ikabôt gơs gơtha lah: “Bơta gơklŏ neh cah ngài bơh Israel,” tài bơh Đài Yàng Tom Trồ dê neh gơkòl kup cèng mơ bơta chơt po bèp khai mơ bau klau khai dê.