Esai 7:13 - Sră Goh 2018

¹³ Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Esai 7:13 ပူးပေါင်းရင်းမြစ်များ

Sơnròp Gơlik Gơs 30:15

Lea đơs lah: “Ai tòmpìt bau añ la dô nơm broă dềt ơ, mơ ai kung kòñ ai plai phồng ya kòn klau añ jê tai ơ?” Racel ho lah: “Do, bau añ rơp bic mơ ai tòm mang do nàng gơl plai phồng ya kòn ai dê.”

II Yal Yau 21:7

Bulah behơ̆, Yàng Jehôwa ò kòñ tơnroh hìu Dabit, tài bơh bơta ho pơgon Kơnràñ neh bơtào mơ Dabit, mơ bơh di tŭ hơ̆ Kơnràñ neh ho ai dô nơm ồs đèng Dabit in mơ ală kòn sau khai in gam sùm sùm.

Đơs Crih 45:5

Ală kam bơtau dê la sồt, Pañ bluh nùs cau sò tơm bơtau dê, Ală làng bol gơpừ hơđơm jơng bơtau dê.

Esai 1:14

Hwềng soàn Añ gơjrañ di ală bơta pơjum sa Ngai Dùl Lik mơ ală ngai pơjum sa bol mê dê, ală bơta hơ̆ neh gơlik gơs ơnòng kơnjơ̆ Añ in, Añ bòl glar mơ àñ ơnòng gơ.

Esai 1:24

Behơ̆ tàng Yàng Jehôwa la Yàng Jehôwa Gơnap Gơnoar Dờng Làm Jơh, la Bơtau Gơnap Gơnoar Dờng Làm Jơh Israel dê, đơs be do: “Ngan Añ rơp tuh bơta gơjrañ dờng Añ jê hơđang ală cau sò tơm Añ jê, mơ sal tê di ală cau sò tơm di Añ!

Esai 22:22

Añ rơp ơn hơđang pơnì khai kai mpồng hìu Dabit dê; khai rơp pò mơ ò gơs cau lơi rgơi til, khai rơp til gen ò gơs cau lơi rgơi pò.

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 43:24

Mê neh ò blơi Añ in chi ƀô niam lơi, kung neh ò ơn Añ in dơngi ală phan ơn duh khoai. Mơya mê lơh Añ in kơnjơ̆ bơh tồi glài mê dê, mơ tơmbòl Añ bơh ală bơta tồi glài iơh bơsak mê dê.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Esai 7:12

Mơya Aca đơs lah: “Añ rơp ò dan, añ rơp ò lòng Yàng Jehôwa.”

Esai 7:2

Tòm tŭ hìu Dabit kơno lah: “Aram neh lơh gơs dô bă bal mơ Epraim,” gen nùs Aca mơ làng bol khai dê wañ lơnggơh kung be chi tòm brê gơ ơwañ bơh càl.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Ejekiel 16:20

‘Gen ai neh kup ală kòn klau mơ ală kòn ùr mơ ai neh tơnggơs Añ in mơ ơn bol khai lơh gơs kung be phan sa ală rùp ràk in. Bơta dri tơlàr ai dê kàr hơ̆ ò tơl sơl ơ?

Ejekiel 16:47

Ai neh ò di mìng cơnđòa lòt jat ală gùng dà bol khai dê mơ đòm jat ală broă cù kìr ƀơ̆ ƀơl khai neh lơh, mơya ai kung neh mhar gơlik gơs ồm lề rlau mơ bol khai tòm jơh ală gùng dà ai dê.

Ejekiel 34:18

Bol mê sa tòm ƀlàng ñhơt tơlir niam la ò tơl sơl ơ? Mơya bol mê pal ai jơng bol mê dê jă hơđang ală tiah gam wơl tòm ƀlàng ñhơt bol mê dê sơl ơ? Tòm tŭ bol mê hùc dà sàng, bol mê pal ai jơng lơh sơngkal dà gam wơl sơl ơ?

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Amôs 3:13

Yàng Jehôwa, la Yàng Tom Trồ Gơnap Gơnoar Dờng Làm Jơh đơs lah: Iat tĕ ală jơnau do mơ lơh cơng tòmdră mơ hìu Jakôp.

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Khà Làng Bol 16:13

Mê neh tă cèng bol hi lik bơh di lơgar bềng lìu dà toh mơ dà lơwe nàng tơnchơt bol hi tòm ƀlàng bràs ò di la ò tơl rau sơl ơ? Mơ tŭ do mê kung kòñ lơh gơs bơtau, lơh yàng at bồ bol hi sơl ơ?

Khà Làng Bol 16:9

Bơta Yàng Tom Trồ neh cah is bol mê bơh di jơh ală cau tòm mpồl jơnum Israel mơ cèng bol mê tus rềp hơ să tòm Kơnràñ nàng lơh ală broă tòm Hìu Duh Khoai Yàng Jehôwa dê mơ ntào di đap mpồl làng bol mơ duh broă bol khai, bơta hơ̆ la ò tơl bol mê in ò ơ?

Luka 1:69

Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Hebrơ 3:10

Gen tàng Añ neh gơjrañ di jơi bơtiàn do, Mơ đơs lah: ‘Tòm nùs bol khai tìs nrah sùm, Mơ ò đal git gùng dà Añ jê.’