Esai 7:12 - Sră Goh 2018

¹² Mơya Aca đơs lah: “Añ rơp ò dan, añ rơp ò lòng Yàng Jehôwa.”

Esai 7:12 ပူးပေါင်းရင်းမြစ်များ

II Ală Bơtau 16:15

Gen, bơtau Ahas ai gơnoar sồr cau gơnoar ơn phan duh khoai Uria in lah: “Hơđang cơnòng duh khoai dờng ơn tĕ phan ơn chu àng drim mơ phan ơn kòi mbo trồ mho; mơ phan ơn chu mơ phan ơn kòi mbo bơtau dê; bal mơ phan ơn chu mơ phan ơn kòi mbo jơh làng bol tòm lơgar dê, kung tuh hơđang gơ phan ơn ñô bol khai dê, mơ tuh tòmdră mơ gơ jơh ală mhàm phan ơn chu, bal mơ jơh mhàm ală phan ơn duh khoai dê. Mơya cơnòng duh khoai mơ kòng, lòi añ in rơp hòi lùp nùs Yàng dê.”

II Yal Yau 28:22

Tòm tŭ tìp bơta bòl glar jê sồt, bơtau Aca neh gơlik ò dòn song rlau tai mơ Yàng Jehôwa.

Esai 7:11

“Dan tĕ Jehôwa Yàng Tom Trồ mê dê dô nơm tềl is, tòm tiah jrô lơgar làng ƀồc dê hala hơđang trồ rlau jơh.”

Esai 7:13

Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Malaci 3:15

Mơya tŭ do bol he kòp cau pơnhừ să la geh lơngai; ală cau lơh broă iơh bơsak ò di mìng geh bơtoah bơtoài, mơya tòm tŭ bol khai lòng Yàng Tom Trồ, bol khai kung geh klàs sơl.’”

Broă 5:9

Pier đơs mơ khai lah: “Ñchi bơh tài bol ai dô nùs bal nàng lòng Hwềng Goh Yàng dê behơ̆ taih? Ne, jơng cau lòt tơp bau klau ai neh rê tus di bơr mpồng, bol khai rơp cèng ai sơl.”

I Kôrintô 10:9

Kung bañ lòng Yàng be cau ƀà tòm bol khai neh lòng mơ gơkòl bơs coh chơt.

Yal Wơl 6:16

Bañ lòng Jehôwa Yàng Tom Trồ bol mê dê kung be bol mê neh lơh tòm Masa.