Esai 7:11 - Sră Goh 2018

¹¹ “Dan tĕ Jehôwa Yàng Tom Trồ mê dê dô nơm tềl is, tòm tiah jrô lơgar làng ƀồc dê hala hơđang trồ rlau jơh.”

Esai 7:11 ပူးပေါင်းရင်းမြစ်များ

I Ală Bơtau 13:3

Kung tòm ngai hơ̆, khai ai dô nơm tềl krơi, mơ đơs lah: “Do la tềl krơi mơ Yàng Jehôwa neh đơs: Cơnòng duh khoai rơp tơrlơm, bùh hơđang cơnòng duh khoai rơp gơtuh tòm tiah.”

II Ală Bơtau 19:29

Ơ Ejekia, kơnòm di tềl sơnio do mê đal git lah jơnau do rơp gơlik tòm toh: Nam do, bol mê rơp sa gar sơntìl hòn is; nam dơ̆ bàr sa phan gơrung is; mơya nam dơ̆ pe, bol mê rơp sih mơ toès, tam ño mơ sa plai gơ.

Lik Ejiptơ 7:9

“Tŭ lơi Pharaôn sồr bol mê lah: ‘Lơh tĕ bơta krơi,’ gen mê đơs mơ Arôn lah: ‘Ai tĕ gai kwềt bi dê mơ sơrbì gơ di đap Pharaôn, gen gơ rơp gơlik gơs dô nơm bơs.’”

Esai 37:30

Ơ Ejekia, do rơp la tềl sơnio mê in; Tòm nam do mê rơp sa plai đo hòn is gơ dê, nam tơnơ̆ gam sa phan gơhòn bơh hơ̆. Mơya tus di nam dơ̆ pe, tùc tam tĕ mơ toès kac, tam ală suơn ño mơ sa plai gơ dê.

Esai 38:22

Ejekia kung neh lùp lah: “Gơs tềl lơi ai añ in git la añ rơp geh guh hơ hìu duh khoai Yàng Jehôwa taih?”

Esai 55:13

Chi nho rề rơp hòn ala rlau lò, mơ chi bơñàng rơp hòn ala ală lò. Bơta hơ̆ rơp lơh pơnro sơnđan Yàng Jehôwa, lơh gơs dô nơm tềl gam sùm sùm ò tŭ lơi kòl tơnroh.”

Esai 7:10

Yàng Jehôwa đơs tai mơ Aca lah:

Esai 7:12

Mơya Aca đơs lah: “Añ rơp ò dan, añ rơp ò lòng Yàng Jehôwa.”

Jeremi 19:1

Yàng Jehôwa đơs lah: “Lòt tĕ blơi dô nơm gri mơ ù di tiah cau chài mòn glah. Cèng bal mơ mê dô êt nă cau kwang kra tòm mpồl làng bol mơ dô êt cau jòng sơnam tòm mpồl cau gơnoar ơn phan duh khoai,

Jeremi 19:10

Gen mê pòng bơcah tĕ gri di đap ală cau lòt bal mơ mê,

Jeremi 44:29

Yàng Jehôwa đơs: ‘Do la tềl sơnio mơ bol mê bơh hơ̆ git Añ rơp lơh glài bol mê tòm tiah do, nàng bol mê git lah jơnau Añ đơs tòmdră mơ bol mê ngan neh gơlik di ngan.’

Luka 2:12

Do la tềl sơnio bol mê in: Bol mê rơp gŏ dô nă oh nga klơm mơ ồi, bic tòm bòng ñhơt.”