Esai 66:4 - Sră Goh 2018

⁴ Behơ̆ Añ kung rơp sac rwah bơta bơrsèl tơnhial bol khai, mơ cèng hơđang bol khai bơta bol khai rngòt rngơt. Tài bơh tòm tŭ Añ neh hòi, ò gơs cau lơi neh ho wơl; Tòm tŭ Añ neh đơs, bol khai ò bài iat. Bol khai lơh bơta iơh di đap mat Añ, mơ sac rwah bơta Añ ò niam nùs.”

Esai 66:4 ပူးပေါင်းရင်းမြစ်များ

II Ală Bơtau 21:2

Khai lơh bơta iơh di đap Yàng Jehôwa mơ lòt jat bơta cù kìr ală làng bol mơ Yàng Jehôwa neh bơtrơh tơlik di đap làng bol Israel.

II Ală Bơtau 21:6

Chu kòn klau he tòm ồs nàng duh khoai, bơtê ngui crìu, sền dà; bơtào ală cau gru bơjơu. Khai lơh bơta iơh di đap Yàng Jehôwa oă ngan, bơrcek bơta gơjrañ Kơnràñ sùm.

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Jơnau Pơnđik 1:24

Tài bơh añ hòi jà mơya bol mê ò bài iat, Añ pò tê mơya ò gơs cau lơi ơn nùs kơlôi.

Jơnau Pơnđik 10:24

Bơta lơi cau iơh bơsak rngòt rngơt, ngan rơp tus hơđang bol khai; Mơya cau song ring rơp geh be nùs he kơp kòñ.

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Esai 59:15

Siơ̆u Jơnau song, mơ cau lơi pleh ngài di bơta iơh gen kong phà kup. Yàng Jehôwa sền gŏ, mơ ò niam nùs tài bơh ò gơs bơta song ring.

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Esai 65:2

Añ neh pò tê Añ jê jơh ngai mho wèt mơ dô nơm làng bol jak tòmdră, la ală cau lòt tòm ală gùng ò niam, jat nùs kơlôi sơnơng is bol khai dê,

Esai 65:3

la dô nơm làng bol kư̆ bơrcek Añ sùm di đap mat Añ, ơn ală phan duh khoai tòm ală suơn, chu kơlhô hơđang ală cơnòng duh khoai bơt mơ gac,

Esai 65:7

Bơh tồi glài bol mê dê bal mơ tồi glài ồng pàng bol mê dê,” Yàng Jehôwa đơs behơ̆. “Tài bơh bol khai neh chu ală phan ơn hơđang ală mơnơm, mơ sền òsơp di Añ hơđang ală dòr, Añ rơp was wơl di tiang ào bol khai dê, bơta tơm wơl wil tơl bơh ală broă lơh bol khai dê.”

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Jeremi 7:30

Yàng Jehôwa đơs: “Bơh làng bol Juda neh lơh bơta iơh di đap mat Añ, bol khai ơn ală phan cù kìr tòm hìu geh sơnđan bơh sơnđan Añ, nàng lơh gơ in ƀơ̆ ƀơl.

Ejekiel 11:8

Bol mê neh rngòt di pềs tà, mơ Añ rơp cèng pềs tà tus hơđang bol mê, Jehôwa Yàng Tom Trồ đơs behơ̆.

Ejekiel 14:4

Gen tàng đơs tĕ mơ bol khai mơ yal bol khai in lah: ‘Jehôwa Yàng Tom Trồ đơs be do: “Gơs cau lơi tòm hìu Israel cèng ală rùp ràk tơmut tòm nùs khai dê, mơ ơn di đap khai phan lơh gơtup tìs iơh rmơh lồc behơ̆ lòt tus hơ dô nă cau gơnoar hwơr, gen Añ, la Yàng Jehôwa, să tòm Añ rơp ho wơl khai in tòm toh kung be bơta duh khoai rùp ràk dờng khai dê,

Ejekiel 20:25

Añ kung neh ai bol khai tòm ală bơta sồr lam ò niam mơ ală bơta boh lam mơ bơh hơ̆ bol khai ò rgơi kis.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

I Samuel 8:19

Mơya làng bol ò bài iat Samuel; bol khai đơs lah: “Ò! Mơya bol hi lơh nền pal gơs dô bơtau at bồ hơđang bol hi,