Esai 66:3 - Sră Goh 2018

³ Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Esai 66:3 ပူးပေါင်းရင်းမြစ်များ

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Esai 44:19

Ò gơs cau lơi ơm wơl mơ kơlôi sơnơng, ò gơs cau lơi gơs bơta git jak hala git wă nàng đơs lah: “Añ neh ai nggùl lòng hơ̆ mơ sing ồs; añ kung neh buh piang lă hơđang ồs rnga gơ dê; neh buh poac mơ neh sa rau; pơnah gam wơl, añ ngui nàng lơh gơs dô nơm phan cù kìr sơl ơ? Añ rơp kun bồ di đap dô gơl chi sơl ơ?

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Esai 57:17

Tài bơh bơta hàm hà iơh bơsak bol khai dê Añ neh gơhào gơjrañ; Añ neh pòng lơh bol khai, mơ Añ neh pồn mat tòm tŭ gơjrañ, mơya khai kư̆ lòt tòm ală gùng jat nùs is bol khai dê.

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Esai 65:2

Añ neh pò tê Añ jê jơh ngai mho wèt mơ dô nơm làng bol jak tòmdră, la ală cau lòt tòm ală gùng ò niam, jat nùs kơlôi sơnơng is bol khai dê,

Esai 66:17

Ală cau ơn is sàng goh mơ lơh sàng goh is să he nàng mut digùl ală suơn, lòt jat dô nă cau ơm digùl ală cau sa poac sur, poac đe, mơ ală phan ƀơ̆ ƀơl cù kìr ndai bol khai rơp chơt bal mơ gơp,” Yàng Jehôwa đơs behơ̆.

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Lebi 2:2

Mơ cèng gơ tus hơ ală kòn klau Arôn dê la ală cau gơnoar ơn phan duh khoai. Cau gơnoar ơn phan duh khoai ai dô sơmbat kơmbuh phe mơ mơñà bal mơ jơh kơlhô mơ chu phan hơ̆ lơh gơs dô pơnah lòi kirsơnre hơđang cơnòng duh khoai, dô nơm phan ơn chu mơ ồs. Hơ̆ la dô nơm phan ƀô bơlhu niam nùs Yàng Tom Trồ.

Sră Age 2:14

Gen Age đơs lah: “Yàng Jehôwa đơs lah: ‘Gơwèt hơ làng bol tòm lơgar do ơm di đap Añ kung behơ̆ sơl, mơ kung behơ̆ gơwèt mơ jơh ală broă tê bol khai lơh mơ phan lơi bol khai ơn gen kung gơlik ƀơ̆ ƀơl.’

Yal Wơl 14:8

Sur kung ò goh bulah gơ gơs nđias cah bàr, gơ ò tơrging wơl. Bol mê ò di sa poac bol gơ hala ƀư di ƀồc chơt gơ dê.

Yal Wơl 23:18

Bol mê bañ cèng jền cau ùr dri hala cau klau dri lơh gơs mơ tơmut gơtòm hìu Jehôwa Yàng Tom Trồ bol mê dê nàng tơm dô jơnau srat să ho nền lơi, tài bơh Jehôwa Yàng Tom Trồ bol mê dê cù kìr di bàr bơta jền tơngai hơ̆.

Ală Kwang Cahrña 10:14

Lòt tĕ rac dan mơ ală yàng bol mê neh sac rwah; lòi bol gơ dong tă bol mê tòm tŭ gơs bơta bòl glar kalke.”

Ală Kwang Cahrña 21:25

Tòm pah rài hơ̆ ò gơs bơtau tòm Israel, kòp nă lơh jat bơta khai kơlôi la di.

Ală Kwang Cahrña 5:8

Tòm tŭ bol khai sac rwah ală yàng pa, gen bơta kơlìn gơtoă tus di mpồng ƀòn, mơ cau ò gŏ dô nơm khèl hala dô nơm tà digùl poan jơt rbô nă cau tòm Israel.