Esai 66:23 - Sră Goh 2018

²³ Yàng Jehôwa đơs lah: “Bơh ngai dùl lik do tus di ngai dùl lik tơnơ̆, bơh ngai Saƀat do tus di ngai Saƀat ngkòi, jơh jơi poac să rơp tus mơ cùn khoai di đap Añ.

Esai 66:23 ပူးပေါင်းရင်းမြစ်များ

II Ală Bơtau 4:23

Bau klau lùp khai lah: “Ñchi bơh tài lòt tus hơ khai? Ngai do ò di ngai dùl lik, kung ò di ngai Saƀat taih?” Cau ùr ho: “Jơh ală bơta niam lơm.”

Đơs Crih 22:28

Bơh gơnoar at bồ gơrê bal mơ Yàng Jehôwa, Kơnràñ at bồ hơđang ală làng bol.

Đơs Crih 65:2

Ơ Bơtau iat jơnau hòi dan, Jơh ală kòn mơnus rơp lòt tus hơ Kơnràñ.

Đơs Crih 65:3

Tòm tŭ ală tồi glài iơh bơsak bol hi dê pha rlau mơ bol hi, Gen Kơnràñ toh glài bol hi in.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Esai 19:21

Behơ̆ Yàng Jehôwa rơp yal tơnggit să tòm Kơnràñ cau Ejiptơ in, mơ tòm ngai hơ̆ bol khai rơp đal git Yàng Jehôwa, bol khai rơp duh khoai Kơnràñ mơ ơn phan poan jơng mơ kòi mbo lơh gơs phan ơn duh khoai; bol khai rơp ho pơgon mơ Yàng Jehôwa, mơ prap gàr ală jơnau hơ̆.

Esai 19:23

Tòm ngai hơ̆ rơp gơs dô nơm gùng me bơh Ejiptơ tus hơ Asiri. Cau Asiri rơp lòt tus hơ Ejiptơ mơ cau Ejiptơ rơp lòt tus hơ Asiri. Cau Ejiptơ mơ cau Asiri rơp duh khoai dô bă bal.

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Ejekiel 20:40

Jehôwa Yàng Tom Trồ đơs lah: ‘Bơh hơđang mơnơm sàng goh Añ jê, mơnơm jơnhoa Israel dê, tềng hơ̆ jơh hìu Israel rơp duh broă Añ, mơ tềng hơ̆ Añ rơp dòp bol khai. Tềng hơ̆ Añ rơp lùp pơnah phan pal ơn bol mê dê mơ ală plai bồ sơnam ơn duh khoai bol mê dê, bal mơ jơh ală phan ơn sàng goh bol mê dê.

Ejekiel 45:17

Broă tòm cau bơtau dê la pal rcang gơs ală phan ơn chu pơrguc, ală phan ơn mơ kòi mbo, mơ phan ơn hùc tòm ală ngai pơjum sa, ală ngai Dùl Lik mơ ală ngai Saƀat, jơh ală ngai pơjum sa neh lơh nền hìu Israel dê. Khai rơp rcang gơs ală phan ơn tơwài glài, ală phan ơn mơ kòi mbo, ală phan ơn chu pơrguc mơ ală phan ơn ring lơngai nàng tơwài glài hìu Israel in.”

Ejekiel 46:1

Jehôwa Yàng Tom Trồ đơs be do: “Mpồng tòm ƀlàng dơlam wèt hơ đah mattơngai lik pal kal wơl tòm prau ngai lơh broă, mơya tòm ngai Saƀat mơ tòm ngai Dùl Lik pal pò gơ.

Ejekiel 46:6

Tòm ngai Dùl Lik, khai pal ơn dô nơm kơnrồ dam gam dềt, prau nơm belàt kòn mơ dô nơm kơnrồ dam, jơh ală phan hơ̆ pal ò gơs tềl sồt rmàñ.

Sacari 14:14

Juda kung rơp tòmlơh tòm Jerusalem. Phan mơna jơh ală lơgar ơm gùt dar rơp pơjum tơrgòm bal, gơs oă ngan màh, priă mơ ồi ào.

Sacari 14:16

Gen ală cau gam kis bơh tòm ală lơgar neh brồ lơh Jerusalem rơp guh tus tềng hơ̆ kòp sơnam nàng duh khoai Bơtau la Yàng Jehôwa Gơnap Gơnoar Dờng Làm Jơh, mơ pơjum sa ngai wèr Sàl ing.

Sacari 14:18

Dilah làng bol Ejiptơ ò guh nàng gơs dô bă bal tềng hơ̆ gen bol khai kung rơp ò gơs mìu. Yàng Jehôwa rơp đùh hơđang bol khai bơta pluh plàng mơ Kơnràñ neh ngui nàng lơh glài ală lơgar ò guh nàng pơjum sa ngai wèr Sàl ing.

Sacari 14:19

Hơ̆ rơp la bơta lơh glài Ejiptơ mơ bơta lơh glài jơh ală lơgar ò guh nàng pơjum sa ngai wèr Sàl ing.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Jang 4:23

Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”