Esai 66:2 - Sră Goh 2018

² Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 66:2 ပူးပေါင်းရင်းမြစ်များ

I Ală Bơtau 21:29

“Mê neh gŏ mbe lơi Ahap pìn pơndêt să di đap mat Añ sơl? Tài bơh khai pìn pơndêt să di đap Añ, Añ rơp ò cèng tus bơta rung rài tòm rài khai; mơya tòm rài kòn klau khai Añ rơp cèng bơta rung rài hơđang hìu khai dê.”

II Ală Bơtau 22:10

Cau gơnoar cih Saphan đơs tai lah: “Cau gơnoar dờng lam bồ ơn phan duh khoai Hilkia neh jào añ in dô dap sră;” gen Saphan sền dờng sră hơ̆ di đap bơtau.

II Ală Bơtau 22:11

Tòm tŭ bơtau kơno ală jơnau tòm sră bơta boh lam, gen khai crè ồi ào.

Ejra 10:3

Behơ̆ tŭ do, lòi tĕ bol hi bơtào dô bơta ho bal mơ Yàng Tom Trồ bol hi dê, nàng sang jơh ală bau ùr hơ̆ bal mơ ală kòn bol khai dê, jat be jơnau bơyai cau tòm bol hi mơ ală cau rơm să rngòt di bơta sồr lam Yàng Tom Trồ bol he dê. Lơh tĕ bơta hơ̆ jat be bơta boh lam.

Ejra 9:4

Gen jơh ală cau rơm să rngòt di ală jơnau Yàng Tom Trồ Israel dê, tài bơh bơta ò dòn song ală cau rê bơh di tiah kong kup cèng, pơjum gùt dar añ tòm tŭ añ ơm nggui rngòt rngơt jơl tus di tŭ ơn phan duh khoai mho.

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 119:161

Ală kwang bàng kup kơryan añ ò bồ, Mơya nùs añ duh rngòt di jơnau Yàng dê.

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Đơs Crih 34:18

Yàng Jehôwa ơm rềp mơ ală cau gơs nùs jê sồt, Mơ dong klàs ală cau ò gam gơs bơta gơn kơnòm.

Đơs Crih 51:17

Phan ơn duh khoai niam nùs Yàng Tom Trồ dê hơ̆ la hwềng nùs jê sồt; Ơ Yàng Tom Trồ, nùs jê sồt moat jrùng, Yàng ò di sền òsơp ò.

Đơs Crih 51:19

Gen Yàng rơp niam nùs bơh ală phan ơn duh khoai dô bă di pal, Phan ơn chu mơ jơh ală phan ơn chu pơrguc; Gen cau rơp ơn kơnrồ dam hơđang cơnòng duh khoai Yàng dê.

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Esai 40:26

Pò tĕ mat tơnggòr sền hơđang ală tap trồ: ñcau neh crơng gơs ală phan hơ̆ taih? Hơ̆ la Bơtau neh lơh gơlik gơs ală sơmañ mơ ală khà bol gơ dê, mơ hòi bol gơ jat ală sơnđan is gơ dê; tài bơh bơta pràn Kơnràñ dê la dờng Tòm gơnap gơnoar pràn Kơnràñ dê. Ò lòi hŭi dô nơm lơi.

Esai 41:20

tồ làng bol sền mơ git, sền sơwì mơ wă wơng lah tê Yàng Jehôwa neh lơh bơta hơ̆, Bơtau Sàng Goh Israel dê neh crơng gơs bơta hơ̆.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

Mathiơ 12:6

Mơya Añ đơs mơ bol mê, tềng do gơs dô nă Cau dờng rlau mơ hìu duh khoai.

Broă 7:50

Ò di la tê Añ neh crơng gơs ală phan hơ̆ ò ơ?’

Broă 9:6

mơya ntào tĕ, mut tòm ƀòn dờng, cau rơp yal mê in ală bơta mê pal lơh.”

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Kôlôse 1:17

Kơnràñ gơs lài mơ jơh ală bơta, jơh ală bơta ơm kơ̆ tòm Kơnràñ.