Esai 66:18 - Sră Goh 2018

¹⁸ Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Esai 66:18 ပူးပေါင်းရင်းမြစ်များ

Sră Jop 42:2

“Añ git lah Yàng rgơi lơh jơh ală bơta, Ò gơs cau lơi rgơi kơryan broă lơh Yàng dê.

Đơs Crih 139:2

Yàng git tòm tŭ añ nggui mơ tòm tŭ añ ñă ntào; Yàng git loh ală bơta kơlôi sơnơng añ jê bơh tiah ngài.

Đơs Crih 67:2

Nàng cau dunnia in rgơi git gùng dà Kơnràñ dê, Mơ ală làng bol rgơi git gơnap gơnoar bơta dong klàs Kơnràñ dê.

Đơs Crih 72:11

Dan lòi jơh ală cau bơtau tơmbic să di đap khai, Jơh ală lơgar duh broă khai in.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Đơs Crih 82:8

Ơ Yàng Tom Trồ, dan guh, mơ cahrña dunnia, Bơh jơh ală làng bol gơrê bal mơ Kơnràñ.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Đơs Crih 94:11

Yàng Jehôwa git ală bơta kơlôi sơnơng kòn mơnus dê, bol khai gơs mơya ò gơs nhơm tă.

Đơs Crih 97:6

Ală tap trồ bơto yal bơta song ring Kơnràñ dê; Jơh ală làng bol sền gŏ bơta gơklŏ Kơnràñ dê.

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Esai 37:28

Mơya Añ git tŭ mê ñă ntào, mơ tŭ mê nggui, tŭ mê lik mơ tŭ mê mut, mơ tŭ mê gơhào gơjrañ tòmdră di Añ.

Esai 40:5

Gen bơta gơklŏ Yàng Jehôwa dê rơp geh yal tơlik, jơh tơl nă kòn mơnus rơp sền gŏ bơta hơ̆, bơh bơr Yàng Jehôwa dê neh đơs behơ̆.”

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 55:8

“Bơh ală bơta kơlôi sơnơng Añ jê ò di la ală bơta kơlôi sơnơng bol mê dê, hala ală gùng dà bol mê dê kung ò di la ală gùng dà Añ jê.” Yàng Jehôwa đơs behơ̆.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Esai 57:12

Añ rơp dòp bơta song ring mơ ală broă lơh bol mê dê, mơ ală bơta hơ̆ rơp ò dong kòl bol mê.

Esai 59:7

Jơng bol khai ntoat mhar tus hơ bơta iơh bơsak, bol khai sơrbac sơrbang lơh gơhòr mhàm ò gơs glài; Ală bơta kơlôi sơnơng bol khai dê la ală bơta kơlôi sơnơng bơh bơta iơh bơsak, bơta tơnroh mơ bơta phà tơrlah ơm tòm gùng dà bol khai dê.

Esai 65:2

Añ neh pò tê Añ jê jơh ngai mho wèt mơ dô nơm làng bol jak tòmdră, la ală cau lòt tòm ală gùng ò niam, jat nùs kơlôi sơnơng is bol khai dê,

Esai 66:10

Hòn chò tĕ mơ Jerusalem, mơ chò hòp tĕ bơh gơ, hòn chò tĕ bơh gơ! Ơ bol mê jơh tơl nă la cau neh ñìm rac pơt wòl bơh Jerusalem, chò hòp dờng tĕ bal mơ gơ.

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 3:17

Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Ejekiel 38:10

Jehôwa Yàng Tom Trồ đơs be do: “Tòm ngai hơ̆, gơs ală bơta kơlôi sơnơng tus tòm dơngoh mê, mơ mê rơp bơtào lơh nền dô nơm kai gơrmơ̆i iơh rmơh.

Ejekiel 39:21

“Añ rơp ràng tơlik bơta gơklŏ Añ jê digùl ală lơgar; mơ jơh ală lơgar rơp gŏ bơta cahrña Añ neh lơh gơlik gơs, mơ tê Añ jê neh ơn hơđang bol khai.

Jôel 3:2

Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Amôs 5:12

Bơh Añ git ală bơta iơh bơsak bol mê dê la oă ir, mơ ală tồi glài bol mê dê la dờng ò git nđò. Bol mê rồn bơklơn cau song ring mơ dòp ală phan sa loă, mơ bol mê tơlo ală cau rƀah lik bơh dê mpồng ƀòn dờng.

Sacari 14:16

Gen ală cau gam kis bơh tòm ală lơgar neh brồ lơh Jerusalem rơp guh tus tềng hơ̆ kòp sơnam nàng duh khoai Bơtau la Yàng Jehôwa Gơnap Gơnoar Dờng Làm Jơh, mơ pơjum sa ngai wèr Sàl ing.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 12:25

Yàng Jesu git bơta kơlôi bol khai dê, gen đơs mơ bol khai lah: “Dilah lơgar lơi cah is gơ dê gen rơp roh gơprah; dilah ƀòn dờng hala hìu lơi cah is gơ dê gen rơp ò gơs kơ̆ tai.

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Luka 5:22

Mơya Yàng Jesu git bơta bơyai bal bol khai dê, gen lùp lah: “Ñchi bơta bol mê bơyai bal tòm nùs taih?

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Jang 5:42

Mơya Añ git bol mê ò gơs bơta kòñ gơboh Yàng Tom Trồ ơm tòm bol mê.

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

I Kôrintô 3:20

Mơ Sră Goh ndai cih: “Yàng git bơta kơlôi ală cau jak chài dê la ò kwơ lơm.”

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.

Yal Tơlik 2:2

‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.