Esai 66:16 - Sră Goh 2018

¹⁶ Yàng Jehôwa rơp ai ồs lơh gơs bơta cahrña Kơnràñ dê; mơ đào hơđang jơh ală poac să, mơ oă ngan cau rơp kong sreh tơnchơt bơh Yàng Jehôwa.

Esai 66:16 ပူးပေါင်းရင်းမြစ်များ

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Esai 3:13

Yàng Jehôwa guh nàng dong tò broă Kơnràñ dê, Kơnràñ ñă ntào mơ cahrña làng bol.

Esai 30:30

Yàng Jehôwa rơp lơh cau in kơno sap đơs ryŭ ryơm Kơnràñ dê, mơ rơp ai bol khai in sền gŏ tơwòr tê Kơnràñ dê tơndùh bơta gơjrañ dờng bal mơ ồs sa pơrguc, càl khồm druh, càl rbut dờng, mơ mìu piar.

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Esai 65:12

Añ rơp lơh nền bol mê pal kong pềs tà, mơ bol mê jơh tơl nă pal kun să di đap cau sreh tơnchơt cau; bơh Añ neh hòi mơya bol mê ò ho wơl, Añ neh đơs mơya bol mê ò iat. Bol mê neh lơh bơta iơh di đap mat Añ, mơ neh sac rwah bơta ò niam nùs Añ.”

Jeremi 25:31

Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Jeremi 45:5

Ai mê, mê gam jòi broă dờng he in ơ? Bañ jòi tai, bơh do, Añ rơp tơndùh bơta rung rài hơđang jơh ală jơi poac să in; ai mê, bulah mê lòt tiah lơi, Añ kung rơp sền gàr bơta kis mê be phan dòp geh bơh bơta tòmlơh.’” Yàng Jehôwa đơs behơ̆.

Jeremi 46:15

Tài bơh ñchi Apis dô thit, ñchi bơh tài ală kơnrồ bol mê ò rgơi ntào, bơh Yàng Jehôwa neh ting bơtrơh bol khai.

Ejekiel 28:18

Mê neh lơh ƀơ̆ ƀơl ală tiah sàng goh mê dê, bơh bơta tồi glài mê dê gơbơtơl sơlo oă, tòm bơta kă bro ò song mê dê. Behơ̆, Añ neh cèng ồs lik bơh digùl mê, mơ gơ sa pơrguc mê, mơ Añ neh lơh mê in gơlik gơs bùh hơđang ù di đap jơh ală cau ơm sền gŏ.

Ejekiel 38:17

“Jehôwa Yàng Tom Trồ đơs be do: ‘Mê ò di la cau mơ Añ neh đơs tòm ală ngai lài òr kơnòm di cau duh broă Añ jê la ală cau gơnoar hwơr Israel dê, la ală cau tòm tŭ hơ̆ neh đơs hwơr tòm jŏ nam lah Añ rơp cèng mê tus tòmdră mơ bol khai ơ?

Ejekiel 5:15

Tòm tŭ Añ gơhào gơjrañ mơ gơjrañ dờng mơ tuh hơđang mê bơta lơh glài mơ bơta lah pơrhơng jê sồt gen mê rơp gơlik dô bơta cau sền òsơp mơ dơñŏ tơnhial, dô jơnau bơto pơhìn, mơ dô nơm phan cù kìr ală lơgar gùt dar mê. Să tòm Añ la Yàng Jehôwa đơs behơ̆.

Jôel 3:2

Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Amôs 7:4

Do la bơta Jehôwa Yàng Tom Trồ sơnio añ in: Jehôwa Yàng Tom Trồ neh hòi mìu ồs nàng lơh glài; gơ sa jơh thòng dờng jrô mơ sa jơh lơgar.

Nahum 3:15

Tềng hơ̆ ồs rơp sa pơrguc ai, đào rơp sreh tơnchơt ai, sa loan ai kung be ală srah nting. Tơnggơs bơtơl tĕ kung be srah, tơnggơs tĕ oă kung be ală srah nting!

Nahum 3:3

Ling hào ơseh brồ lơh, đào mơ tà àng gơcrà! Oă ngan cau gơplơ̆ chơt, oă gơnru ƀồc chơt, ƀồc ò jai kòp. Làng bol gơtup pừ hơđang ală ƀồc chơt!

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.