Esai 66:12 - Sră Goh 2018

¹² Bơh Yàng Jehôwa đơs be do: “Añ rơp ai gơ in bơta pas gơs lơngai lơngò tus hơ khai kung be dô nơm hiòng dà, mơ bơta pas sơm ală làng bol dê kung be dà hòr pràn; bol mê rơp geh tơmpô, geh kơnđơt kơnđu tòm tơwòr tê khai dê, mơ rơnggô hơđang gơltang khai dê.

Esai 66:12 ပူးပေါင်းရင်းမြစ်များ

Esai 14:2

Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.

Esai 26:3

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Esai 33:21

Mơya bơta ryŭ ryơm Yàng Jehôwa ơm bal mơ bol he tềng hơ̆, la tiah gơs hiòng mơ croh dà dờng ơnàng, rơp ò gơs ơhò dờng mơ plung bềl yàl lòt gan.

Esai 45:14

Do la jơnau Yàng Jehôwa đơs: “Phan mơna Ejiptơ dê, mơ ală phan kă bro Ethiôpi dê, mơ ală cau Sabe să jan jơnhoa, bol khai rơp tus hơ mê mơ rơp gơrê mơ mê; bol khai rơp lòt jat mê; bol khai rơp tus hơ mê tòm che sreng mơ kun bồ di đap mê, rac dan mơ mê lah: ‘Yàng Tom Trồ ơm mơ mê lơm; ò gơs yàng lơi ndai, ò gơs Yàng Tom Trồ lơi ndai tai.’”

Esai 48:18

Ơ hơh kơp kòñ bol mê mìng ơn nùs tồr di ală jơnau sồr Añ jê, gen bơta pas gơs bol mê dê rơp kung be dô nơm hiòng dà, bơta cồng nha bol mê dê rơp be ală ryà dàlềng.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Esai 54:3

Bơh ai rơp pò ơnàng làm đah ma mơ đah kiau; jơi bơtiàn ai rơp dòp geh lơgar lơh gơs tiah tòm, mơ rơp ơm tòm ală ƀòn dờng sang lòi ngềt ngơt.

Esai 59:19

Behơ̆ ală cau đah mattơngai mut rơp rngòt di sơnđan Yàng Jehôwa, mơ ală cau bơh đah mattơngai lik rơp ki ngàm di bơta gơklŏ Kơnràñ dê. Bơh Kơnràñ rơp tus kung be dà tih, mơ càl Yàng Jehôwa cèng pơrdô khai.

Esai 60:16

Mê rơp hùc dà toh ală lơgar dê, mê rơp pô toh ală cau bơtau dê. Gen mê rơp git Añ, Yàng Jehôwa la Bơtau Dong klàs mê, Bơtau Dong Tơwài mê, mơ la Bơtau Gơnap Gơnoar Dờng Jakôp dê.

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Esai 66:11

Bơh bol mê rơp pô toh mơ geh hòm lai, mơ geh pơndòm pơniang bơh dà toh gơ dê; bol mê rơp hùc hòm ngan mơ chò hòp bơh bơta tơngkah tơngkañ gơ dê.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 33:6

Mơya, Añ rơp ai pràn, mơ sơmbòi gơ in; Añ rơp sơm bol khai mơ ai bol khai in gŏ bơta tơngkah tơngkañ bơta lơngap lơngai mơ dong tă.

Sră Age 2:9

‘Bơta gơklŏ hìu do dê rơp dờng rlau mơ bơta gơklŏ hìu yau dê.’ Yàng Jehôwa Gơnap Gơnoar Dờng Làm Jơh đơs behơ̆. ‘Mơ tòm tiah do Añ rơp ai bơta pas gơs lơngap lơngai,’ Yàng Jehôwa Gơnap Gơnoar Dờng Làm Jơh đơs behơ̆.”