Esai 66:10 - Sră Goh 2018

¹⁰ Hòn chò tĕ mơ Jerusalem, mơ chò hòp tĕ bơh gơ, hòn chò tĕ bơh gơ! Ơ bol mê jơh tơl nă la cau neh ñìm rac pơt wòl bơh Jerusalem, chò hòp dờng tĕ bal mơ gơ.

Esai 66:10 ပူးပေါင်းရင်းမြစ်များ

Đơs Crih 122:6

Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

Đơs Crih 137:6

Dilah añ ò kah mê, dilah añ ò ơn Jerusalem hơđang bơta hòn chò jơnhoa rlau jơh añ jê, gen lòi lơmpiat añ jê gơđềt di tòm dò añ jê.

Đơs Crih 26:8

Ơ Yàng Jehôwa, añ kòñ gơboh hìu la tiah Yàng ơm, Mơ tềng hơ̆ bơta gơklŏ Kơnràñ dê ơm gam sùm sùm.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 51:3

Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 65:18

Mơya hòn chò tĕ mơ chò hòp tĕ gam sùm sùm tòm bơta Añ crơng gơs, bơh Añ rơp crơng gơs Jerusalem lơh gơs dô bơta chò hòp, mơ làng bol gơ dê lơh gơs dô bơta hòn chò.

Esai 9:3

Yàng neh pò ơnàng làng bol do mơ neh bơtơl bơta chò hòp bol khai in; bol khai hòn chò di đap Yàng kung be hòn chò tòm ngai toès kòi, be cau hòn chò tòm tŭ tòmpà phan tòmpìt geh.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.