Esai 66:1 - Sră Goh 2018

¹ Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Esai 66:1 ပူးပေါင်းရင်းမြစ်များ

I Ală Bơtau 8:27

Mơya ngan lah Yàng Tom Trồ ơm hơđang plai ù do sơl? Bulah hơđang trồ mơ ală tap trồ jơnhoa rlau jơh kung ò rgơi ơn Kơnràñ, tơ ài lah hìu dềt do mơ añ neh bơt!

I Yal Yau 28:2

Bơtau Dabit ñă ntào mơ đơs lah: “Ơ ală oh mi mơ làng bol añ jê, dan iat añ. Añ neh gơs nùs kòñ bơt dô nơm hìu lơh gơs dô bă tiah ơm rlô Đài Bơta Ho Bal Yàng Jehôwa in, lơh gơs tiah ơn jơng Yàng Tom Trồ bol he dê, mơ añ neh rcang rơndap nàng bơt hìu hơ̆.

II Yal Yau 2:5

Hìu duh khoai mơ añ rơp bơt la dờng ngan, bơh Yàng Tom Trồ bol hi dê la dờng rlau jơh mơ ală yàng ndai.

II Yal Yau 6:18

Mơya ngan la Yàng Tom Trồ rơp ơm tòm ù mơ kòn mơnus sơl ơ? Bulah ală tap trồ, mơ ală tap trồ jơnhoa rlau jơh ò rgơi nàng prap Kơnràñ, tơ ài lah hìu duh khoai dềt rlau jơh do mơ añ neh bơt!

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Đơs Crih 132:7

“Bol he lòt lă tus hơ tiah ơm Kơnràñ dê; Bol he duh khoai tĕ di kơrnòl jơng Kơnràñ dê!”

Đơs Crih 99:9

Jòng ro tĕ Jehôwa Yàng Tom Trồ bol he dê, Mơ duh khoai hơđang mơnơm sàng goh Kơnràñ dê; Bơh Jehôwa Yàng Tom Trồ bol he dê la sàng goh!

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 60:13

Bơta gơklŏ Liban dê rơp tus hơ mê, chi nho, chi pơnggŏ, bal mơ tòm cha rơp bơka hàng mơnĕ tiah sàng goh Añ jê; mơ Añ rơp lơh gơklŏ tiah kơrnòl ơn jơng Añ jê.

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 12:6

Mơya Añ đơs mơ bol mê, tềng do gơs dô nă Cau dờng rlau mơ hìu duh khoai.

Mathiơ 24:2

Kơnràñ đơs lah: “Bol mê gŏ jơh ală bơta hơ̆ sơl? Di ngan Añ đơs mơ bol mê, rơp ò gơs pơnai lŭ lơi ơm hơđang pơnai lŭ ndai tòm tiah do mơ ò gơtìp tơrlơm.”

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.