Esai 61:9 - Sră Goh 2018

⁹ Jơi bơtiàn bol khai dê rơp geh tiơng pơnro digùl ală lơgar, mơ kòn sau bol khai dê rơp geh cau git digùl ală làng bol. Jơh ală cau lơi gŏ bol khai gen rơp đal git bol khai la dô jơi bơtiàn neh geh Yàng Tom Trồ ai lơngai.

Esai 61:9 ပူးပေါင်းရင်းမြစ်များ

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 30:27

Laban đơs lah: “Dan añ in geh bơta nđàc di đap mê. Añ gŏ loh làng Yàng Jehôwa bơh mê mơ neh ai lơngai añ in.”

Đơs Crih 115:14

Dan Yàng Jehôwa bơtơl bơta lơngai mê in, bol mê in mơ ală kòn sau mê in sơl!

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Esai 65:23

Bol khai rơp ò lơh broă gơlik ò kwơ, bol khai tơnggơs kòn sau nàng kong bơta rung rài; bơh bol khai la dô nơm làng bol geh Yàng Jehôwa ai lơngai lơngò, bol khai bal mơ ală kòn sau bol khai dê.

Esai 66:22

Yàng Jehôwa đơs lah: “Kung be ală tap trồ pa mơ plai ù pa, mơ Añ rơp lơh gơs kư̆ gam sùm di đap Añ, gen sơnđan mơ jơi bơtiàn bol mê dê kung rơp kư̆ gam sùm behơ̆ sơl.”

Jeremi 31:7

Yàng Jehôwa đơs be do: “Đơs chò dờng tĕ chò hòp bơh Jakôp; Driau chò tĕ bơh cau lam bồ ală lơgar. Yal tơlik tĕ bơta jòng ro mơ đơs lah: ‘Khoai Yàng Jehôwa, dan dong klàs làng bol Kơnràñ, La làng bol gam wơl Israel dê.’

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Malaci 3:12

“Gen jơh ală làng bol rơp kòp bol mê la gơs lơngai, bơh bol mê rơp la dô nơm lơgar hòn chò hừh hơh,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 22:12

Mơya Yàng Tom Trồ đơs mơ Balaam: “Bañ lòt mơ bol khai. Mê ò di srat sơntơm làng bol do tài bơh bol khai neh geh ai lơngai.”

Broă 3:26

Behơ̆ Yàng Tom Trồ neh sac rwah Cau Duh Broă Kơnràñ dê, mơ sồr Khai lòt tus ai lơngai ală oh mi in sơnròp ngan, mơ lơh kòp nă cau in tòm ală oh mi pơrlac sang bơta tồi glài iơh bơsak he dê.”