Esai 61:8 - Sră Goh 2018

⁸ Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Esai 61:8 ပူးပေါင်းရင်းမြစ်များ

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

II Samuel 23:5

Hìu añ ò di behơ̆ di đap Yàng Tom Trồ ò ơ? Bơh Kơnràñ neh bơt bơtào dô bơta ho bal gam sùm sùm mơ añ, Jơh ală bơta neh geh rơndap mơ sền gàr. Kơnràñ rơp ò lơh gơlik cồng nha bơta dong kòl añ jê, mơ jơh ală bơta kơp kòñ añ jê ò ơ?

Đơs Crih 105:10

La jơnau Kơnràñ neh lơh nền mơ Jakôp be dô jơnau sồr, Lơh nền mơ Israel be dô bơta ho bal gam sùm sùm.

Đơs Crih 11:7

Bơh Yàng Jehôwa la song ring; Kơnràñ kòñ gơboh broă lơh song ring; Ală cau song ring rơp sền gŏ muh mat Kơnràñ dê.

Đơs Crih 32:8

Añ rơp bơto sồr mê, sơnio mê in gùng pal lòt; Mat Añ rơp sền di mê mơ bơto dong kòl mê.

Đơs Crih 33:5

Kơnràñ kòñ gơboh bơta song ring mơ bơta song ngan; Plai ù bềng lìu bơta kòñ gơboh kơ̆ dơn Yàng Jehôwa dê.

Đơs Crih 37:28

Bơh Yàng Jehôwa kòñ gơboh bơta song ring; Kơnràñ rơp ò sang lòi cau sàng goh Kơnràñ dê. Cau song ring geh Yàng sền gàr sùm sùm, Ai kòn sau cau iơh bơsak dê rơp kòl tơnroh.

Đơs Crih 45:7

Bơtau kòñ gơboh bơta song ring, gơjrañ kơuềng di bơta iơh bơsak. Gen tàng Yàng Tom Trồ, la Yàng Tom Trồ bơtau dê, Neh ai bơtau in bơta hòn chò be bong mơñà di bơtau, rlau mơ ală gơp bơyô bơtau dê.

Đơs Crih 50:5

“Pơjum tĕ hơ Añ ală cau dòn song Añ jê, La ală cau neh bơtào dô bơta ho bal mơ Añ mơ phan ơn pơdơng.”

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Đơs Crih 99:4

Ơ Bơtau at bồ gơs gơnap gơnoar, la Bơtau kòñ gơboh di bơta song ngan, Kơnràñ neh bơtào kơ̆ bơta ring bal; Kơnràñ neh lơh jat bơta song ngan mơ bơta song ring tòm Jakôp.

Jơnau Pơnđik 3:6

Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.

Jơnau Pơnđik 8:20

Añ lòt tòm gùng song ring, Digùl ală gùng song ngan.

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 5:16

Mơya Yàng Jehôwa Gơnap Gơnoar Dờng rơp geh yò tơngguh bơh bơta song ngan, mơ Yàng Tom Trồ Sàng Goh rơp ràng tơlik să tòm Kơnràñ sàng goh bơh bơta song ring

Esai 54:10

Bulah ală mơnơm gơ dô mơ ală dòr kòl ntròn bơh di tiah gơ dê, mơya bơta kòñ gơboh kơ̆ dơn Añ jê rơp ò cah ngài bơh ai, mơ bơta ho bal lơngap lơngai Añ jê rơp ò tŭ lơi tòmgơl,” Yàng Jehôwa đơs behơ̆ la Bơtau neh kòñ nđàc ai.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Esai 56:1

Yàng Jehôwa đơs be do: “Prap gàr tĕ bơta song ring, mơ lơh tĕ bơta di ngan, bơh bơta dong klàs Añ jê rơp tus mhar mo, mơ bơta dong tă Añ jê neh geh yal tơlik.

Esai 66:22

Yàng Jehôwa đơs lah: “Kung be ală tap trồ pa mơ plai ù pa, mơ Añ rơp lơh gơs kư̆ gam sùm di đap Añ, gen sơnđan mơ jơi bơtiàn bol mê dê kung rơp kư̆ gam sùm behơ̆ sơl.”

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Jeremi 9:24

Mơya cau lơi jòng să la jòng să tòm bơta do, hơ̆ la bol khai wă wơng mơ đal git Añ la Yàng Jehôwa, Añ lơh broă mơ bơta kòñ gơboh kơ̆ dơn, Song ngan, mơ song ring hơđang plai ù; Bơh Añ kòñ gơboh ală bơta hơ̆.” Yàng Jehôwa đơs behơ̆.

Ejekiel 16:60

Bulah behơ̆, Añ rơp kah wơl bơta ho bal Añ neh bơtào mơ ai tòm ngai ai gam kơnòm să, mơ Añ rơp bơtào mơ ai dô bơta ho bal gam sùm sùm.

Ejekiel 34:25

Añ rơp bơtào mơ bol gơ dô bơta ho bal ring lơngai, mơ rơp bơtrơh ală phan brê bơh di lơgar nàng bol gơ rgơi ơm tòm ƀlàng ngềt ngơt mơ bic tòm brê tòm dơr dô bă lơngap lơngai.

Malaci 1:13

Bol mê đơs lah: “Ñchi gơs dô bơta bòl glar do taih!” Bol mê chềr muh sền òsơp di Añ. Yàng Jehôwa Gơnap Gơnoar Dờng Làm Jơh đơs behơ̆. “Bol mê cèng ală phan neh tòmpìt sơmbrơt hala kwet gơlte mơ kòp jê, mơ ơn bol gơlơh gơs ală phan ơn duh khoai, gen Añ pal dòp bol gơ bơh di tê bol mê sơl ơ?” Yàng Jehôwa đơs behơ̆.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

II Tesalônika 3:5

Dan Yàng tề lam nùs oh mi dê tus hơ bơta kòñ gơboh Yàng Tom Trồ dê mơ bơta ơt ơl Bơtau Krist dê.