Esai 61:4 - Sră Goh 2018

⁴ Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Esai 61:4 ပူးပေါင်းရင်းမြစ်များ

Ejra 9:9

Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Đơs Crih 46:8

Tus tĕ sền ală broă lơh Yàng Jehôwa dê, Hơ̆ la Kơnràñ neh lơh tơrlah hơđang ù.

Đơs Crih 74:3

Dan Kơnràñ cơnđòa song tus di tiah tơrlah tơrling sùm sùm; Cau sò tơm neh tơnroh jơh ală phan tòm tiah sàng goh.

Esai 52:9

Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Esai 58:12

Bol mê rơp bơt wơl ală tiah tơrlah tơrlơm lài òr; mê rơp bơtào wơl ală mơnàng bơh ală rài yau dê; bol mê rơp geh sơnđan la cau rcang wơl ală tiah neh tơrlah tơrlơm, mơ la Cau Bơt Wơl ală gùng lòt tiah cau in ơm.

Mice 7:11

Gơs dô ngai bơt bơtào ală dơrñang mê dê, tòm ngai pò ơnàng ală nhàr lơgar mê dê.

Sacari 1:17

Bơto yal tĕ oă rlau tai lah: Yàng Jehôwa Gơnap Gơnoar Dờng Làm Jơh đơs be do: ‘Ală ƀòn dờng Añ jê rơp geh bềng lìu pas gơs, mơ Yàng Jehôwa rơp dô dơ̆ tai pơndòm pơniang Siôn mơ sac rwah Jerusalem wơl.’”