Esai 61:3 - Sră Goh 2018

³ nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 61:3 ပူးပေါင်းရင်းမြစ်များ

Este 8:15

Gen Mordike lik lòt bơh di đap cau bơtau, soh ồi ào bơtau dê dà tơlir trồ mơ dà bò, ndau dô nơm sơgơn bơtau dờng mơ màh, mơ soh dô nơm ào jrùh mơ bài che dơmài lơbơn dà gur. Mơ ƀòn dờng Susa ai jơnau driau dờng mơ hòn chò.

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Đơs Crih 104:15

Mơ tơrnòm ño lơh nùs kòn mơnus in hòn chò, ai mơñà lơh muh mat hàng mơnĕ, Mơ gơs piang lă nàng bơtơl pràn kơldang kòn mơnus in.

Đơs Crih 149:4

Bơh Yàng Jehôwa niam nùs di làng bol Kơnràñ dê; Kơnràñ bơka cau pơndêt să in mơ bơta pha lin.

Đơs Crih 23:5

Yàng yò sào añ in di đap ală cau sò tơm di añ; Yàng bong mơñà di bồ añ, Mơngàn añ jê bềng lìu.

Đơs Crih 30:11

Kơnràñ neh tòmgơl bơta moat jrùng añ jê gơlik gơs chò hòp; Kơnràñ neh hồ ào bài sơnò kiat añ jê, mơ tơnsoh añ mơ bơta hòn chò,

Đơs Crih 30:12

Tồ hwềng soàn añ đơs chò jòng ro Yàng ò dơh. Ơ Jehôwa Yàng Tom Trồ añ jê, añ rơp ưnngài Kơnràñ jơl sùm sùm.

Đơs Crih 45:7

Bơtau kòñ gơboh bơta song ring, gơjrañ kơuềng di bơta iơh bơsak. Gen tàng Yàng Tom Trồ, la Yàng Tom Trồ bơtau dê, Neh ai bơtau in bơta hòn chò be bong mơñà di bơtau, rlau mơ ală gơp bơyô bơtau dê.

Cau Bơto 9:8

Lòi tĕ ào jrùh mê dê bò sùm, bañ lòi siơ̆u mơñà hơđang bồ mê.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 26:2

Pò tĕ ală mpồng ƀòn dờng nàng làng bol song ring la làng bol prap gàr bơta dòn rgơi mut tềng hơ̆.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 46:13

Añ cèng bơta song ring Añ jê tus rềp, gơ ò ơm ngài; mơ bơta dong klàs Añ jê rơp ò lơh òbat nyà. Añ rơp ai bơta dong klàs Siôn in, bơta gơklŏ Añ jê Israel in.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Jeremi 31:13

Gen ală cau ơruh dềt rơp hòn chò tòmya, Ală klau pơnu mơ ală ồng kra kung rơp chò hòp bal Añ rơp tòmgơl bơta ñìm rac bol khai dê gơlik gơs bơta hòn chò, Añ rơp pơndòm pơniang bol khai ai hòn chò ala moat jrùng.

Ejekiel 34:29

Añ rơp rcang ai bol khai in ù tiah tùc tam bơh plai đo pơnro niam, bol khai rơp ò tai kong jơgloh tòm lơgar, hala kong ală lơgar bơtat bơtròh tai.

Ejekiel 47:7

Tòm tŭ añ neh tus tềng hơ̆ rau, añ sền gŏ gơs oă ngan chi di bàr gah hiòng.

Sacari 3:5

Gen añ đơs lah: “Kơt tĕ che pùt bồ sàng goh di bồ khai.” Behơ̆, bol khai kơt di bồ khai dô nơm che pùt bồ sàng goh, mơ tơnsoh ồi ào khai in tòm tŭ cau gơnrơh Yàng Jehôwa dê ơm ntào di gah.

Mathiơ 15:13

Kơnràñ ho lah: “Chi lơi mơ Bèp Añ hơđang trồ ò tam gen pal dus.

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Luka 15:22

Mơya cau bèp đơs mơ ală cau dĭ lah: ‘Cèng tĕ mhar ào jrùh niam rlau jơh tơnsoh khai in, tơndò sơmbiat di ràs tê, ai khŏ tơnjă di jơng.

Jang 15:8

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

Jang 16:20

Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

I Kôrintô 6:20

bơh oh mi neh geh rwat dô bă kas ngan; gen tàng ai tĕ să jan he mơ lơh gơklŏ Yàng Tom Trồ in.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.

Hebrơ 1:9

Kơnràñ kòñ gơboh di bơta song ring, gơjrañ kơuềng di bơta ò jat bơta boh lam. Gen tàng Yàng Tom Trồ, la Yàng Tom Trồ Kơnràñ dê, neh bong mơñà Kơnràñ in mơ mơñà bơta hòn chò, Rlau mơ ală gơp bơyô Kơnràñ dê.”

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.