Esai 6:9 - Sră Goh 2018

⁹ Kơnràñ đơs lah: “Lòt tĕ mơ đơs mơ làng bol do lah: ‘Iat tĕ! Mơya ò tŭ lơi dòp git; Sền tĕ! Mơya ò tŭ lơi git wă.’

Esai 6:9 ပူးပေါင်းရင်းမြစ်များ

Jơnau Pơnđik 28:5

Cau tơmut he tòm bơta iơh ò wă wơng bơta song ring; mơya cau lơi jòi jat Yàng Jehôwa wă wơng jơh ală bơta.

Esai 28:13

Gen tàng jơnau Yàng Jehôwa rơp gơlik gơs bol khai in: “Jơnau sồr hơđang jơnau sồr, jơnau sồr hơđang jơnau sồr; sèng hơđang sèng, sèng hơđang sèng; dô êt tềng do, dô êt tềng ne.” Tồ bol khai rơp lòt mơ gơpừ sơrplàng, kong bơcah lề, yar dă, mơ kòl kup cèng pơrdô.

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Esai 29:14

Behơ̆ Añ rơp lơh dô dơ̆ tai, dô bơta crih crài làng bol do in, nrơt nrơl mơ crih crài; bơta jak chài cau git wă dê rơp roh rui, mơ dơngoh jak ală cau git jak dê rơp pồn ndơp.”

Esai 42:20

Mê neh gŏ oă bơta, mơya ò sền sơwì dô êt lơi; mê gơs trồm tồr àng loh, mơya mê ò kơno dô êt lơi.

Esai 43:8

Cèng tơlik tĕ ală cau gơs mat mơya ò gŏ, gơs tồr mơya ò kơno.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Sră Ôse 1:9

Gen Yàng Jehôwa đơs lah: “Tơmoh tĕ sơnđan khai la Lôammi, tài bơh bol mê ò di la làng bol Añ jê, mơ Añ ò di la Yàng Tom Trồ bol mê dê.”

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Luka 8:10

Kơnràñ đơs lah: “Neh ai bol mê in git ală bơta ndơp ndơr lơgar Yàng Tom Trồ dê, mơya gơwèt mơ ală cau ndai gen ngui jơnau pơnyơu, nàng bol khai in sền mơ ò gŏ, kơno mơ ò git wă.

Jang 12:40

“Yàng neh lơh mat bol khai jơngo, nùs bol khai kră kơldang, Rngòt mat bol khai sền gŏ, nùs bol khai git wă, Mơ gơjrañ sang glài, Nàng Añ sơmbòi bol khai in.”

Rôma 11:8

be neh cih lah: “Yàng Tom Trồ neh ai bol khai in hwềng nùs ò git kơlôi, Mat ò gŏ, tồr ò kơno jơl tus di ngai do.”

Yal Wơl 29:4

Mơya jơl tus di tŭ do Yàng Jehôwa òhềt ai bol mê in dơngoh jak nàng git wă hala ală gar mat nàng sền gŏ hala ală trồm tồr nàng kơno.