Esai 6:7 - Sră Goh 2018

⁷ Seraphim tup rnga ồs hơ̆ di bơr añ, mơ đơs lah: “Tŭ do, ồs do neh tup di sơndồi mê, bơta tìs glài mê dê neh geh tă sang rau mơ tồi glài mê dê neh jùt goh rau.”

Esai 6:7 ပူးပေါင်းရင်းမြစ်များ

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Esai 53:5

Mơya Kơnràñ neh bơh tồi glài bol he dê mơ kong tềl sồt, bơh bơta iơh bơsak bol he dê mơ kong tơnlề; bơh bơta lơh glài Kơnràñ kong mơ bol he geh lơngap lơngai, bơh tềl sồt Kơnràñ dê mơ bol he geh sơmbòi.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Jeremi 1:9

Gen, Yàng Jehôwa pò tê ƀư di bơr añ, Yàng Jehôwa đơs tai mơ añ lah: “Do, Añ rơp ơn ală jơnau Añ tòm bơr mê.

Daniel 10:16

Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Sôphôni 3:9

Tòm tŭ hơ̆, Añ rơp tòmgơl jơnau đơs ală làng bol in, gơlik gơs jơnau đơs sàng goh, tồ jơh ală bol khai rơp hòi dan di sơnđan Yàng Jehôwa, mơ dô bă bal duh broă Kơnràñ.

Sacari 3:4

Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.”

Khà Làng Bol 16:46

Gen Môise đơs mơ Arôn lah: “Ai tĕ gri ơn kơlhô bi dê mơ ơn kơlhô tòm hơ̆ bal mơ ồs bơh di cơnòng ơn phan duh khoai, mơ mhar mhar tus hơ mpồl jơnum nàng lơh bơta tơwài glài bol khai in. Bơta gơjrañ dờng neh gơlik tus bơh di Yàng Jehôwa; bơta pluh plàng neh gơ rơp sơntòm rau.”

Mathiơ 9:2

Gơs cau tùng tus hơ Kơnràñ dô nă cau gơlte bic hơđang cơnòng. Yàng Jesu gŏ bơta dòn bol khai dê, gen đơs mơ cau gơlte lah: “Ơ kòn, kơ̆ tĕ nùs, tồi glài mê neh geh toh.”

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.