Esai 6:2 - Sră Goh 2018

² Ală seraphim ơm ntào gùt dar Kơnràñ, kòp nơm gơs prau nơm pơnđar: bàr nơm jơm mat, bàr nơm jơm jơng mơ bàr nơm ngui nàng par.

Esai 6:2 ပူးပေါင်းရင်းမြစ်များ

Sơnròp Gơlik Gơs 17:3

Gen Abram tơmbic să tòm ù, mơ Yàng Tom Trồ đơs mơ khai lah:

I Ală Bơtau 19:13

Tòm tŭ Eli pa kơno jơnau hơ̆, gen gòm muh mat mơ ào jrùh, lik ntào di bơr rgồng. Gen gơs dô jơnau đơs mơ khai lah: “Ơ Eli, ñchi mê lơh tềng do taih?”

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

I Ală Bơtau 6:24

Dô nơm pơnđar ceruƀim jòng pram tal, mơ pơnđar đah ne jòng pram tal; bơh cồng pơnđar đah do tus di cồng pơnđar đah ne la jơt tal.

I Ală Bơtau 6:27

Khai ơn ală ceruƀim tòm dơlam ơdŭ lồi dut Tiah Sàng Goh Ngan dê; kòp nơm gơ pò song pơnđar gơ dê. Pơnđar ceruƀim đah do gơtup di dơrñang đah do, mơ pơnđar ceruƀim đah ne gơtup di dơrñang đah ne, mơ ală pơnđar bol gơ dê gơtòmtup bal digùl ơdŭ.

I Ală Bơtau 8:7

Bơh ală ceruƀim lì pơnđar gơ dê hơđang tiah ơn Đài, nàng ceruƀim jơm hơđang Đài mơ ală mơng tùng.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Sră Jop 1:6

Gơs dô ngai ne, ală cau gơnrơh lòt tus tơlik mat bol khai di đap Yàng Jehôwa, mơ Satan kung lòt tus bal mơ bol khai sơl.

Sră Jop 15:15

Yàng Tom Trồ ò dòn kơnòm di ală cau sàng goh Kơnràñ dê, Mơ ală tap trồ kung ò sàng goh di đap Kơnràñ;

Sră Jop 4:18

Tian gơs Kơnràñ ò dòn kơnòm di ală cau duh broă Kơnràñ dê, Mơ Kơnràñ lah pơrhơng ală cau gơnrơh Kơnràñ dê bơh bơta lơh tìs bol khai dê,

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Đơs Crih 104:4

Kơnràñ ngui càl lơh gơs cau kong sồr Kơnràñ dê, Ngui ồs mơ lơmpiat ồs lơh gơs cau duh broă Kơnràñ dê.

Đơs Crih 18:10

Kơnràñ hào ceruƀim mơ par, Kơnràñ par mhar hơđang pơnđar càl dê.

Đơs Crih 89:7

Kơnràñ la Yàng Tom Trồ cau pal rngòt ngan tòm mpồl jơnum ală cau sàng goh dê, La Bơtau dờng mơ cau pal rngòt rngơt rlau mơ jơh ală cau ơm gùt dar Kơnràñ.

Lik Ejiptơ 25:20

Ală ceruƀim gơs ală pơnđar pò hơđang bồ, jơm ndơp bơnap bơta nđàc. Ală ceruƀim wèt tòm toh mat bal, wèt sền di bơnap.

Lik Ejiptơ 3:6

Kơnràñ đơs tai lah: “Añ la Yàng Tom Trồ ồng pàng mê dê, Yàng Tom Trồ Abraham dê, Yàng Tom Trồ Jakôp dê.” Gen Môise kìng mat khai dê tài bơh rngòt sền gŏ Yàng Tom Trồ.

Lik Ejiptơ 37:9

Ală ceruƀim gơs pơnđar gơ pò hơđang, jơm gòm bơnap đài. Ală ceruƀim ơm tòm toh mat, wèt sền di bơnap đài.

Esai 6:6

Gen dô nơm seraphim par tus hơ añ, tòm tê gơs rnga ồs hơng neh tă mơ cơkap bơh cơnòng ơn phan duh khoai.

Ejekiel 1:11

Ală muh mat bol gơ dê la behơ̆. Ală đar bol gơ dê gơ pò hơđang; kòp nơm gơs bàr nơm đar, dô nơm đar gơtòmcik mơ đar dô nơm phan wìn kis ndai di gah do mơ gah ne bol gơ dê, ai bàr nơm đar jơm gòm să gơ dê.

Ejekiel 1:24

Tòm tŭ ală phan wìn kis lòt, añ kơno ntas ală đar bol gơ dê, ntas kung be dà dờng nggồr, kung be ntơr Bơtau Gơnap Gơnoar Dờng dê, mơ kung be ntas nggồr dô mpồl ling dê. Tòm tŭ bol gơ ơm dơh wơl, bol gơtơmù đar bol gơ dê.

Ejekiel 1:4

Añ rmê sền mơ gŏ dô ròs càl rbut tus bơh đah đang, dô puk mhwal dờng gơs ồs puhlèp, mơ gơs bơta àng gơcrà ngan gòm gơrwàng gùt dar. Digùl ồs gơlơh be lòs neh ồs sa hơng,

Ejekiel 1:6

mơya kòp nơm phan hơ̆ gơs poan nơm muh mat mơ poan nơm đar.

Ejekiel 1:9

mơ ală đar bol gơ dê gơtòmcik bal. Kòp nơm phan wìn kis lòt song hơđap, bol gơ ò wơlke tòm tŭ lòt.

Ejekiel 10:16

Tòm tŭ ală ceruƀim lòt gen ală kong rơndeh di gah gơ kung lòt bal; mơ tòm tŭ ală ceruƀim pò pơnđar nàng guh bơh di ù tiah gen ală kong rơndeh ò tòmgơl tiah.

Ejekiel 10:21

Kòp ceruƀim gơs poan nơm muh mat mơ poan nơm pơnđar; hơđơm ală dar gơs gơlơh kung be ală tê dô nă kòn mơnus dê.

Daniel 7:10

Di đap Kơnràñ gơs dô nơm hiòng ồs gơhòr lìu làm jơh, rbô rbô cau duh broă Kơnràñ, mơ tơlak tơmàn ntào di đap Kơnràñ. Tŭ jơ cahrña neh tus, mơ ală sră neh pò tơlik.

Daniel 9:21

Tòm tŭ añ gam hòi dan; gen Gabriel, cau mơ añ neh gŏ tòm bơta gơtơnggŏ lài, geh sồr par mhar tus hơ añ pơgap di tŭ ơn phan duh khoai trồ mho.

Sacari 3:4

Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.”

Luka 1:10

Tòm tŭ chu kơlhô, gen jơh mpồl làng bol ơm hòi dan đah bơdìh.

Hebrơ 1:7

Tòm tŭ đơs bơh ală cau gơnrơh gen Kơnràñ đơs lah: “Yàng Tom Trồ lơh ală cau gơnrơh Kơnràñ dê be càl, Mơ ală cau duh broă Kơnràñ dê be lơmpiat ồs.”

Yal Tơlik 14:6

Chòp añ gŏ dô nă cau gơnrơh ndai par digùl trồ, gơs Jơnau Niam gam sùm sùm nàng bơto yal ală cau ơm tòm plai ù, hơ̆ la jơh ală lơgar, jơi bơtiàn, jơnau đơs mơ làng bol.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

Yal Tơlik 7:11

Mơ jơh ală cau gơnrơh ntào gùt dar sơbàn, gùt dar ală cau kwang kra mơ poan nơm phan wìn kis; bol khai tơmbic să di đap sơbàn nàng duh khoai Yàng Tom Trồ,

Yal Tơlik 8:13

Añ sền gŏ mơ kơno dô nơm klàng bung par digùl trồ, hòi driau dờng lah: “Bòl glar ngan! Bòl glar ngan! Ală cau in ơm hơđang plai ù, bơh jơnau kơlwòk mơ pe nă cau gơnrơh ndai rơp uh tai.”