Esai 6:1 - Sră Goh 2018

¹ Tòm nam bơtau Ôsia sang rài, añ gŏ Yàng Jehôwa nggui hơđang dô nơm sơbàn jơnhoa ngan, tiang ào jrùh Kơnràñ dê bềng hìu duh khoai.

Esai 6:1 ပူးပေါင်းရင်းမြစ်များ

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

II Ală Bơtau 15:7

Ajaria bic lơhă bal mơ ală ồng pàng khai dê, mơ geh tơp bal mơ bol khai tòm ƀòn Dabit. Jôtham kòn klau khai, pơrdòn sơbàn khai.

II Yal Yau 18:18

Mice đơs tai lah: “Behơ̆ gen, iat tĕ jơnau Yàng Jehôwa dê: Añ neh gŏ Yàng Jehôwa ơm nggui hơđang sơbàn Kơnràñ dê, bal mơ jơh ală cau gơnrơh hơđang trồ ơm ntào đah ma mơ đah kiau Kơnràñ.

Sră Jop 42:5

Añ neh kơno bơh Yàng bơh trồm tồr añ neh iat, Mơya tŭ do gar mat añ neh sền gŏ Yàng.

Đơs Crih 108:5

Ơ Yàng Tom Trồ, dan Yàng geh yò tơngguh jơnhoa rlau mơ ală tap trồ! Dan bơta gơklŏ Kơnràñ dê geh làm jơh plai ù!

Đơs Crih 113:5

Ñcau ndròm be Jehôwa Yàng Tom Trồ bol he dê taih? Sơbàn Kơnràñ dê ơm hơđang jơnhoa.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Lik Ejiptơ 24:9

Môise mơ Arôn, Nađap mơ Abihu bal mơ poh jơt nă cau kwang kra Israel dê guh hơđang mơnơm,

Esai 1:1

Tòm rài at bồ ală cau bơtau Ôsia, Jôtham, Aca mơ Ejekia la ală cau bơtau lơgar Juda dê, gen Esai kòn klau Amôs gơs bơta gơtơnggŏ bơh lơgar Juda mơ ƀòn dờng Jerusalem.

Esai 12:4

Mơ bol mê rơp đơs tòm ngai hơ̆ lah: “Ưnngài tĕ Yàng Jehôwa, hòi dan tĕ di sơnđan Kơnràñ; yal tơnggit tĕ ală broă Kơnràñ neh lơh digùl ală làng bol, mơ yal tơlik tĕ lah sơnđan Kơnràñ geh yò tơngguh.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Ejekiel 10:1

Añ sền mơ gŏ dơwàng trồ hơđang bồ ală ceruƀim gơs gơlơh kung be dô nơm sơbàn mơ lŭ màng tơlir trồ.

Ejekiel 10:4

Gen bơta gơklŏ Yàng Jehôwa dê gơguh bơh hơđang ceruƀim mơ gơ lòt tus di di đap mpồng hìu duh khoai. Hìu duh khoai bềng mhwal, mơ rơng hìu bềng àng gơcrà bơta gơklŏ Yàng Jehôwa dê.

Daniel 10:17

Ơ Yàng añ jê, mbe añ, dĭ gơna Yàng dê, rgơi đơs mơ Yàng taih? Bơh tòm añ ò gam tai pràn kơldang dô êt lơi, mơ añ kung ò jai tă nhơm tai sơl!”

Daniel 7:9

“Añ tơnggòr sền jơl tus di tŭ ală sơbàn neh ơn, mơ gơs Bơtau Yau Òr nggui hơđang sơbàn Kơnràñ dê. Ào Kơnràñ bò be piar, mơ sŏ di bồ Kơnràñ bò be sơnò belàt dê. Sơbàn Kơnràñ dê la ală lơmpiat ồs, mơ ală kong rơndeh la ồs hơng.

Khà Làng Bol 12:8

Añ tòmbơhbơr tòm toh mat mơ khai, đơs loh làng ò đơs jơnau jrô ndơp; khai sền gŏ rùp să Yàng Jehôwa. Behơ̆ ñchi bơh tài bol mê ò rngòt đơs jơnau tòmdră mơ Môise la cau duh broă Añ taih?”

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 12:41

Esai đơs ală bơta hơ̆, bơh neh gŏ bơta gơklŏ Kơnràñ dê mơ đơs bơh Kơnràñ.

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Yal Tơlik 15:8

Gen hìu duh khoai bềng ñhŭ gơlik bơh bơta gơklŏ Yàng Tom Trồ dê mơ gơnap gơnoar Kơnràñ dê, gen ò gơs cau lơi rgơi mut tòm hìu duh khoai jơl tus di poh bơta rung rài poh nă cau gơnrơh dê neh sir rau.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

Yal Tơlik 4:10

gen bàr jơt poan nă cau kwang kra tơmbic să di đap Bơtau nggui hơđang sơbàn, mơ duh khoai Kơnràñ la Bơtau kis gam sùm sùm ò lồi. Bol khai sơrbì ală sơgơn bơtau bol khai dê di đap sơbàn mơ đơs lah:

Yal Tơlik 4:2

Tŭ hơ̆ mo, añ gơs rngoh rngac bơh Yàng Hwềng, mơ ne, gơs dô nơm sơbàn hơđang trồ, mơ gơs dô Bơtau nggui tềng hơ̆.

Yal Tơlik 4:3

Bơtau nggui tềng hơ̆ àng gơcrà be lŭ màng gơcrà mơ lŭ màng pơrhê, mơ gùt dar sơbàn gơs dô nơm bơrlangkang sền gơlơh be lŭ màng tơlir ñhơt.

Yal Tơlik 4:9

Mơ kòp dơ̆ ală phan wìn kis ai bơta gơklŏ, bơta ryŭ ryơm, bơta ưnngài nàng ơn Bơtau in ơm nggui hơđang sơbàn, la Bơtau kis gam sùm sùm ò lồi,

Yal Tơlik 5:1

Chòp añ gŏ tòm tê ma Bơtau nggui hơđang sơbàn gơs dô pang sră pồt cih tòm đah dơlam mơ đah bơdìh, mơ tap poh nơm ƀang kì.

Yal Tơlik 5:7

Belàt Kòn lòt tus, ai sră pồt bơh di tê ma Bơtau nggui hơđang sơbàn.

Yal Tơlik 6:16

Mơ bol khai hòi ală mơnơm mơ ală pơnai lŭ mơ đơs lah: “Dùh tĕ hơđang bol hi mơ pồn ndơp bol hi klàs bơh di mat Bơtau nggui hơđang sơbàn, mơ klàs bơh di bơta gơjrañ dờng Belàt Kòn dê.