Esai 59:9 - Sră Goh 2018

⁹ Behơ̆, bơta cahrña song neh ơm ngài mơ bol he, mơ bơta song ring ò tus mơ bol he. Bol he kơp gơn bơta àng mơya jơh ală bơta la klam jơngo; jòi jat bơta àng lơr mơya bol he lòt tòm bơta klam cik.

Esai 59:9 ပူးပေါင်းရင်းမြစ်များ

Sră Jop 19:8

Yàng neh cang gùng añ nàng añ ò rgơi lòt gan; Kơnràñ neh ơn bơta klam jơngo hơđang gùng lòt añ jê.

Sră Jop 30:26

Mơya tòm tŭ añ kơp gơn bơta niam, gen bơta iơh neh tus; mơ tòm tŭ añ kơp gơn bơta àng, gen bơta klam jơngo neh tus.

Đơs Crih 82:5

Bol khai ò gơs bơta git jak, kung ò gơs bơta git wă sơl, Bol khai lơh lòt tòm bơta klam jơngo; jơh ală mơnàng plai ù gơlơnggơr.

Jơnau Pơnđik 4:19

Ai gùng cau iơh bơsak dê la kung be bơta klam jơngo cik, Bol khai ò git bol khai gơtup pừ tài bơh ñchi lơi.

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Esai 59:11

Bol he jơh tơl nă ơnung kung be ală jơgơu, mơ ñìm rac pơt wòl kung be ală sềm ntòp. Bol he jòi jat bơta song ring, mơya jòi ò bàn, jòi jat bơta dong klàs mơya gơ ơm ngài ngan.

Esai 59:14

Behơ̆ bơta cahrña song neh ruc wơl, mơ bơta song ring ơm ntào ngài; jơnau song neh gơtup pừ tòm ală hìu dờng mpồl jơnum dê, bơta song ngan ò rgơi mut.

Esai 59:8

Bol khai ò git gùng lơngap lơngai, ò gơs bơta song ring tòm ală gùng lòt bol khai dê. Bol khai neh lơh ală gùng bol khai dê gơlik gơs ală gùng rkwet rkwe; Ò gơs cau lơi lòt tòm ală gùng hơ̆ rơp git bơta lơngap lơngai.

Esai 8:21

Bol khai rơp lòt làm tòm lơgar, bòl glar dờng ngan mơ jơgloh; tòm tŭ bol khai jơgloh gen bol khai gơjrañ ngan, bol khai srat rma bơtau mơ ală yàng bol khai dê. Bol khai wèt mat bol khai hơđang,

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 8:15

Bol he kơp kòñ bơta lơngap lơngai, Mơya jòi bàn bơta ò niam; Kơp gơn tŭ tơngai sơmbòi, Mơya bơta rngòt rngơt tus.

Ñìm Rac 3:2

Kơnràñ neh bơtrơh tơlik añ mơ cèng tơmut añ tòm bơta klam jơngo, ò gơs dô êt lơi bơta àng.

Ñìm Rac 4:14

Bol khai be cau jơngo mat lòt yơng rò gùng lơh ƀơ̆ ƀơl bơh mhàm, Tian gơs ò gơs cau lơi rgơi ƀư di ào jrùh bol khai dê.

Amôs 8:9

Tòm ngai hơ̆ Jehôwa Yàng Tom Trồ đơs lah: “Añ rơp lơh mattơngai ñơp tòm tŭ nggùl ngai, mơ lơh plai ù in klam jơngo tòm tŭ trồ ngai.

Mice 1:12

Ală cau ơm tòm Marôt duh nùs kơp gơn bơta lơngai niam, tài bơh bơta rung rài neh mù bơh Yàng Jehôwa, neh tus di mpồng ƀòn dờng Jerusalem dê.

Habakuk 1:13

Mat Yàng sàng goh ngan tian gơs ò rgơi sền di bơta iơh bơsak, Kơnràñ ò rgơi sền di bơta lơh tìs; Ñchi bơh tài Kơnràñ ơm mŏ mŏ taih? Ñchi bơh tài Kơnràñ ơm mŏ mŏ tòm tŭ cau iơh bơsak sa loan ală cau song ring rlau mơ bol khai taih?

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.