Esai 57:9 - Sră Goh 2018

⁹ Bol mê neh cèng mơñà mơ bơtơl mơñà ƀô bơlhu ơn Molok in. Bol mê neh sồr ală cau kong sồr bol mê dê lòt hơ tiah ngài; tian gơs neh sồr mù tus hơ lơgar làng ƀồc!

Esai 57:9 ပူးပေါင်းရင်းမြစ်များ

Jơnau Pơnđik 7:17

Ai kơlhô, cài trŭ mơ kơmhò kwê̆, Chu ƀô niam tòm tiah bic añ.

Esai 2:9

Behơ̆ kòn mơnus rơp kong tơnliah; bañ toh glài bol khai, ơ Yàng!

Ejekiel 16:33

Kòp nă cau ùr dri dòp dô khà jền cau tơm khai in; mơya ai gen cèng phan ai gòi ai jơh ală cau klau mơ ai kòñ gơboh; loă bol khai nàng tus hơ ai bơh làm bă tiah bơh bơta hòi jà tìs ai dê.

Ejekiel 23:16

Tòm tŭ pa gŏ bol khai gen khai neh gơs nùs hàm kòñ bol khai, mơ sồr ală cau kong sồr lòt tus hơ bol khai tòm Kalde.

Ejekiel 23:40

Bol khai kung neh sồr cau kong sồr lòt jà ală cau tus bơh tiah ngài, mơ tòm tŭ bol khai neh tus gen ai neh um dà nàng wă rò bol khai, pih mat mơ dò wan phan bơka să ai dê.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Sră Ôse 12:1

Epraim ai bơta đơs blac, hìu Israel ai bơta blac pơrlồm mơ gơrwàng Añ; mơya Juda gam lòt bal mơ Yàng Tom Trồ, mơ prap gàr bơta dòn song mơ Bơtau Sàng Goh.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,