Esai 57:7 - Sră Goh 2018

⁷ Bol mê neh lơh dô nơm mơnơm jơnhoa gơs cơnòng bic bol mê dê: tềng hơ̆ bol mê neh guh nàng ơn ală phan ơn.

Esai 57:7 ပူးပေါင်းရင်းမြစ်များ

Esai 57:3

Mơya bol mê, la ală kòn klau cau ùr gru dê, la jơi bơtiàn ală cau rềs àr bơrnàn mơ ală cau ùr dri dê, tus tĕ hơ do!

Esai 65:7

Bơh tồi glài bol mê dê bal mơ tồi glài ồng pàng bol mê dê,” Yàng Jehôwa đơs behơ̆. “Tài bơh bol khai neh chu ală phan ơn hơđang ală mơnơm, mơ sền òsơp di Añ hơđang ală dòr, Añ rơp was wơl di tiang ào bol khai dê, bơta tơm wơl wil tơl bơh ală broă lơh bol khai dê.”

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 3:2

Sền tơnggòr tĕ ală tiah jơnhoa kơlờl, mơ sền tĕ! Gơs tiah lơi mơ mê ò lơh rềs àr bơrnàn sơl? Di gah gùng mê ơm nggui nàng gơn cau lơh tir, kung be dô nă cau Arap tòm ƀlàng ngềt ngơt; Mê neh lơh ngkòr ngkàc ù tiah, mơ bơta dri tơlàr gơlềng gơlàng.

Jeremi 3:6

Tòm rài bơtau Jôsia, Yàng Jehôwa đơs mơ añ lah: “Mê neh gŏ bơta ò dòn song cau Israel dê neh lơh, mbe khai neh guh hơđang kòp nơm dòr jơnhoa, mơ hơđơm kòp nơm chi tơlir, mơ lơh bơta rềs àr bơrnàn tềng hơ̆ sơl?

Ejekiel 16:16

Ai ngui ồi ào ai dê nàng lơh ală tiah jòng hàng mơnĕ, tềng hơ̆ ai lơh bơta dri tơlàr. Ală bơta hơ̆ ò di pal gơs, mơ kung ò di gơs tŭ lơi gơlik tus.

Ejekiel 16:24

ai neh bơt bơtào dô bă tiah jơnhoa hơđang să tòm ai in mơ lơh gơs dô nơm hìu bơmồng jơnhoa tòm kòp nơm gùng tòm ƀòn dờng.

Ejekiel 16:25

Di bồ ală gùng, ai neh bơt bơtào ală hìu bơmồng jơnhoa, mơ neh lơh bơta hàng mơnĕ ai dê gơlik cù kìr, ai neh ơn să ai dê tòm bơta rềs àr dri tơlàr sơlo ngai sơlo oă mơ kòp nă cau lòt gan.

Ejekiel 23:17

Gen ală cau Babilôn lòt tus mơ khai, tus di cơnòng bic gơboh gơbài, mơ tòm bơta hàm kòñ dri tơlàr lơh ƀơ̆ ƀơl di khai. Tơnơ̆ mơ tŭ khai neh gơkòl bol hơ̆ lơh gơlik ƀơ̆ ƀơl, khai pơrlac sang bol hơ̆ tòm bơta gơjrañ mañ.

Ejekiel 23:41

Ai nggui hơđang dô nơm cơnòng bic niam mơnĕ, di đap gơ gơs dô nơm cơnòng ơn phan, hơđang hơ̆ ai neh ơn kơlhô mơ mơñà la phan gơrê bal mơ Añ.

Ejekiel 6:13

Mơ bol mê rơp git Añ la Yàng Jehôwa, tòm tŭ làng bol bol khai dê gơkòl sreh tơnchơt digùl ală rùp ràk gùt dar ală cơnòng duh khoai bol khai dê, hơđang kòp nơm dòr jòng jơnhoa mơ hơđang jơh ală bồ mơnơm, tòm tiah mƀur kòp nơm chi dờng mơ kòp nơm chi gus, làm ală tiah bol khai chu kơlhô ƀô bơkah jơh ală rùp ràk bol khai in.