Esai 57:5 - Sră Goh 2018

⁵ Bol mê tòmbic tòmtir digùl ală tòm cha, mơ hơđơm kòp nơm rlau chi dờng; bol mê chu ală kòn sau bol mê dê lơh gơs phan ơn pơdơng tòm ală thòng mơ hơđơm ală tiah dàng lŭ klềr dê.

Esai 57:5 ပူးပေါင်းရင်းမြစ်များ

I Ală Bơtau 14:23

Bơh ală cau Juda kung bơt bơtào he in ală tiah jơnhoa, jrong duh khoai mơ rùp Asera hơđang ală tiah jơnhoa mơ hơđơm ală chi dờng.

II Ală Bơtau 17:10

bơt bơtào bol khai in ală jrong duh khoai hơđang ală dòr jơnhoa mơ hơđơm ală chi dờng;

II Ală Bơtau 17:7

Broă do gơlik gơs bơh làng bol Israel neh tìs glài tòmdră mơ Jehôwa Yàng Tom Trồ bol khai dê, la Bơtau neh tă bol khai lik bơh lơgar Ejiptơ, bơh tê Pharaôn bơtau Ejiptơ dê. Bol khai neh duh khoai ală yàng ndai,

II Ală Bơtau 23:10

Khai kung lơh ƀơ̆ ƀơl Tôphet tòm thòng Ben Hinôm, nàng ò gơs cau lơi chu kòn klau hala kòn ùr he tòm ồs, be dô nơm phan ơn rùp ràk Molok in tai.

II Yal Yau 28:3

mơ khai chu ală phan ơn tòm thòng kòn klau Hinôm dê, mơ sang ală kòn klau khai dê tòm ồs, jat ală bơta ngkòr ngkàc be ală lơgar mơ Yàng Jehôwa neh ting bơtrơh bơh di đap làng bol Israel.

Lik Ejiptơ 32:6

Behơ̆ tòm ngai tơnơ̆ làng bol guh gòñ, ơn ală phan ơn chu pơrguc mơ ơn ală phan ơn ring lơngai. Tơnơ̆ mơ hơ̆ bol khai nggui mơ ñô sa, lồc behơ̆ ñă ntào nàng kơnhơl gơlềng gơlàng.

Esai 1:29

Đah mơ ai rơp kong ƀàssìl bơh ală tòm cha mơ ai lơh gơs tiah duh khoai, mơ la tiah ai kòñ gơboh; Ai rơp kong ƀàssìl ƀàsso tài bơh ală suơn mơ ai neh sac rwah.

Jeremi 17:2

Tòm tŭ ală kòn bol khai dê kah wơl cơnòng duh khoai Mơ rùp ràk Asera bol khai neh bơt bơtào di gah ală rlau chi tơlir Mơ hơđang dòr jơnhoa.

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 3:6

Tòm rài bơtau Jôsia, Yàng Jehôwa đơs mơ añ lah: “Mê neh gŏ bơta ò dòn song cau Israel dê neh lơh, mbe khai neh guh hơđang kòp nơm dòr jơnhoa, mơ hơđơm kòp nơm chi tơlir, mơ lơh bơta rềs àr bơrnàn tềng hơ̆ sơl?

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Jeremi 50:38

Bơta rañ rsơh tòmdră mơ ală hiòng dà, bol gơ rơp kong soat jơh! Bơh gơ la dô lơgar ală rùp ràk dê, Bol khai bơh rùp ràk mơ gơlik lu sơnrang.

Jeremi 51:7

Babilôn la dô nơm mơngàn màh tòm tê Yàng Jehôwa, Lơh jơh ală lơgar tòm plai ù in bơñul; Ală lơgar neh ñô tơrnòm gơ, Tài bơh hơ̆ tàng ală lơgar gơlik lu sơnrang.

Jeremi 7:31

Bol khai neh bơt ală tiah jơnhoa Tôphet dê, tòm thòng kòn klau Hinôm dê, nàng chu kòn klau kòn ùr he tòm ồs, hơ̆ la bơta Añ òhềt sồr, la bơta Añ òhềt kơlôi sơnơng.”

Ejekiel 16:20

‘Gen ai neh kup ală kòn klau mơ ală kòn ùr mơ ai neh tơnggơs Añ in mơ ơn bol khai lơh gơs kung be phan sa ală rùp ràk in. Bơta dri tơlàr ai dê kàr hơ̆ ò tơl sơl ơ?

Ejekiel 20:26

Añ lơh bol khai gơlik ƀơ̆ ƀơl bơh ală phan pà bol khai dê, bol khai ơn jơh ală kòn tơnhoa lơh gơs phan ơn duh khoai, tồ Añ tơmbềng bol khai mơ bơta rngòt rngơt, nàng bol khai git Añ la Yàng Jehôwa.

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Ejekiel 6:13

Mơ bol mê rơp git Añ la Yàng Jehôwa, tòm tŭ làng bol bol khai dê gơkòl sreh tơnchơt digùl ală rùp ràk gùt dar ală cơnòng duh khoai bol khai dê, hơđang kòp nơm dòr jòng jơnhoa mơ hơđang jơh ală bồ mơnơm, tòm tiah mƀur kòp nơm chi dờng mơ kòp nơm chi gus, làm ală tiah bol khai chu kơlhô ƀô bơkah jơh ală rùp ràk bol khai in.

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Khà Làng Bol 25:6

Tŭ hơ̆, dô nă cau klau Israel cèng tơmut tòm hìu nhă khai dê dô nă cau ùr Midian di đap mat Môise mơ jơh dô mpồl jơnum Israel dê, tòm tŭ bol khai ơm ñìm rac di tiah mpồng mut Sàl Tòm Mat dê.

Yal Wơl 12:2

Tơnroh jơh hir ală tiah hơđang ală mơnơm jòng, hơđang ală mơnơm dềt mơ hơđơm ală tòm chi gơs mƀur dờng la tiah ală làng bol duh khoai ală yàng bol khai dê mơ bol mê rơp tơnroh.

Yal Tơlik 18:3

Bơh jơh ală làng bol neh ñô tơrnòm bơta rềs àr bơrnàn khai dê. Ală cau bơtau hơđang plai ù neh tìs glài rềs àr bơrnàn mơ khai, mơ ală cau kă bro tòm ù kơnòm di bơta lơh gơlềng gơlàng oă ir khai dê mơ gơlik pas gơs.”