Esai 57:4 - Sră Goh 2018

⁴ Bol mê sền òsơp di ñcau taih? Bol mê hel lơmpiat dơñŏ tơnhial di ñcau taih? Bol mê ò di la jơi bơtiàn cau jak tòmdră, kòn sau ală cau đơs blac ò ơ?

Esai 57:4 ပူးပေါင်းရင်းမြစ်များ

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Đơs Crih 22:13

Bol gơ ha bơr di añ, Ò gơkrơi be klìu triă jak kap crè mơ ơluh ơhùm.

Đơs Crih 22:17

Añ rgơi kòp jơh ală ntìng añ jê. Bol khai rmê mơ dơñŏ di añ.

Đơs Crih 22:7

Jơh ală cau lơi gŏ añ gen dơñŏ tơnhial di añ, bol khai tong kơmbùng rtơs bồ mơ đơs lah:

Đơs Crih 35:21

Bol khai ha dờng bơr sòdră di añ mơ đơs lah: Bol khai đơs: “Ha, ha! Mat bol hi neh gŏ bơta hơ̆ rau!”

Đơs Crih 69:12

Ală cau nggui di mpồng ƀòn đơs joh bơh añ; Añ la jơnau đơs chò ală cau bơñul ñô dê.

Lik Ejiptơ 9:17

Mê gam bơtào is să tòm mê nàng tòmdră mơ Añ, ò lòi làng bol Añ in lik lòt.

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 30:9

Bơh bol khai la dô nơm làng bol jak tòmdră, kòn sau ò gơs bơta dòn, kòn sau ò bài iat jơnau bơto sồr Yàng Jehôwa dê.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 37:29

Tài bơh mê gơhào gơjrañ tòmdră di Añ, mơ jơnau pơnhừ să mê dê neh tus di tồr Añ, gen Añ rơp ơn kơlnĕ Añ jê kwĕ di muh mê, mơ ơn che kèp Añ jê gla di bơr mê, Añ rơp lơh mê in rê wơl jat gùng mê neh lòt tus.’

Esai 48:8

Bol mê òhềt kơno, kung òhềt git wă; bơh yau òr tồr bol mê òhềt gơ pò. Bơh Añ neh git loh ngan bol mê la ma blac; bol mê geh sơnđan la cau jak tòmdră bơh di tŭ pa deh.

Esai 57:5

Bol mê tòmbic tòmtir digùl ală tòm cha, mơ hơđơm kòp nơm rlau chi dờng; bol mê chu ală kòn sau bol mê dê lơh gơs phan ơn pơdơng tòm ală thòng mơ hơđơm ală tiah dàng lŭ klềr dê.

Jeremi 20:8

Kòp dơ̆ añ đơs gen pal ai jơnau hòi driau; añ pal driau lah: “Jàñ bơsak mơ phà tơnroh!” Bơh jơnau Yàng Jehôwa dê lơh añ in jơh ngai kong bơtat bơtròh mơ dơñŏ tơnhial.

Ejekiel 2:4

Jơi bơtiàn dờng nùs mơ kơldang bồ. Añ sồr mi lòt tus hơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’

Sră Ôse 10:9

Ơ Israel, bơh di ală ngai Gibea mê neh tìs glài, mơ tềng hơ̆ bol khai gam pơnjat sùm; ò di bơta kơlìn neh tòmpìt sơmbrơt bol khai tòm Gibea ò ơ?

Khà Làng Bol 16:11

Bơta bol mê mơ jơh ală cau lòt jat bol mê lơh gơs dô bă bal la tòmdră mơ Yàng Jehôwa. Arôn la ñcau mơ bol mê yoam pơrhiat tòmdră mơ khai taih?”

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 27:29

Bol khai tàñ dô nơm sơgơn mơ lò tơndau di bồ Kơnràñ, mơ ơn dô nơm gai proh tòm tê ma Kơnràñ. Bol khai cùn gơltang di đap Kơnràñ mơ dơñŏ tơnhial lah: “Khoai Bơtau làng bol Juda dê!”

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Broă 9:4

Khai gơplơ̆ tòm ù, mơ kơno jơnau đơs mơ khai lah: “Ơ Sol, Sol, ñchi bơh tài mê kup kơryan Añ taih?”

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Kôlôse 3:6

Tài bơh ală bơta hơ̆ gen bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Jôsue 10:21

jơh mpồl làng bol rê wơl lơngap lơngai hơ Jôsue tòm tiah lơh sàl tòm Makedah, ò gơs dô nă cau lơi khin đơs dô jơnau tòmdră mơ cau Israel.

II Pier 2:13

bol khai kong bòl glar jê sồt bơh broă ò song ring bol khai dê. Bol khai hừh nùs tòm bơta ñô sa kơnhơl gơlềng gơlàng tòm trồ ngai; bol khai la tềl ƀơ̆ ƀơl ngkòr ngkàc, ai lơh chò hòp tòm bơta blac pơrlồm tòm tŭ ñô sa khat gơboh bal mơ oh mi.