Esai 57:2 - Sră Goh 2018

² mơ bol khai mut tòm bơta lơngap lơngai; bol khai la ală cau lòt tòm bơta song ring; bol khai geh rlô bòl hơđang cơnòng bic bol khai dê.

Esai 57:2 ပူးပေါင်းရင်းမြစ်များ

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

II Yal Yau 16:14

Mơ cau tơp khai tòm bơtô mơ khai neh tò să tòm khai in tòm ƀòn dờng Dabit. Cau ơn khai hơđang dô nơm phan tùng ƀồc neh bong tơl ală sơnơm ƀô bơlhu neh bơcă bơh cau chài bơcă mơñà ƀô bơlhu; mơ bol khai sing dô gơnru ồs dờng nàng ñìm ƀồc khai.

Sră Jop 3:17

Tềng hơ̆ cau iơh bơsak ò lơh pơnjê, Mơ cau bòl glar geh rlô bòl.

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Cau Bơto 12:7

Mơ kơmbuh ù rê wơl mơ ù kung be bơh sơnròp gơ la ù, mơ hwềng soàn rê wơl mơ Yàng Tom Trồ, la Bơtau neh ai gơ.

Esai 14:18

Jơh ală cau bơtau ală lơgar bic tòm bơta gơklŏ, kòp nă tòm bơtô is he dê.

Esai 26:7

Gùng cau song ring la ring; Ơ Bơtau song ring, Kơnràñ pơnring gùng cau song ring dê.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Ejekiel 32:25

Bol khai lơh Elam in dô nơm cơnòng bic digùl ală cau kong sreh tơnchơt, bal mơ jơh mpồl làng bol gơ dê, jơh ală bơtô bol khai dê ơm gùt dar gơ. Jơh tơl nă bol khai la cau ò siat gơltau, bơh bơta rngòt rngơt mơ bol khai neh rsìh tòm lơgar cau kis dê, bol khai kong bơta ƀàssìl ƀàsso bal mơ ală cau mù tòm bơtô; bol khai neh ơm digùl ală cau kong sreh tơnchơt.

Daniel 12:13

Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Mathiơ 25:21

Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Luka 16:22

Cau rƀah lơòi hơ̆ chơt, geh cau gơnrơh cèng ơn di gah Abraham. Cau pas sơm kung chơt mơ cau cèng tơp.

Luka 2:29

“Khoai Yàng, tŭ do dan Yàng ai dĭ gơna Yàng dê chơt lơngap lơngai, jat be jơnau Yàng;

Luka 7:50

Mơya Kơnràñ đơs mơ cau ùr lah: “Bơta dòn ai neh dong klàs ai; rê tĕ lơngap lơngai.”

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Kôrintô 5:8

Behơ̆ gen bol he kơ̆ nùs sùm, chan kòñ sang lòi să jan do nàng ơm mơ Yàng gen niam rlau.

Philip 1:23

Añ kòl gơjơlềt bơh bàr đah, kòñ lòt ơm bal mơ Bơtau Krist la bơta niam rlau,

Yal Tơlik 14:13

Añ kơno bơh đang trồ gơs jơnau đơs lah: “Cih tĕ jơnau do: Bơh do jơl hìng nau lơngai ală cau in chơt la chơt tòm Yàng!” Yàng Hwềng đơs: “Ngan behơ̆, bơh bol khai geh rlô bơh ală broă bòl glar bol khai dê, bơh ală broă bol khai dê jat bal mơ bol khai.”