Esai 57:1 - Sră Goh 2018

¹ Cau song ring chơt roh, ò gơs cau lơi ơn nùs kơlôi tus; Cau dòn duh kong tă tơlik, ò gơs cau lơi git wă lah cau song ring kong tă tơlik klàs bơh di bơta rung rài;

Esai 57:1 ပူးပေါင်းရင်းမြစ်များ

I Ală Bơtau 14:13

Jơh Israel rơp ñìm rac mơ tơp khai; mìng dô nă khai tòm hìu nhă Jerôbôam rơp geh tơp tòm bơtô ƀồc, tài bơh tòm khai neh bàn dô êt bơta niam nùs Jehôwa Yàng Tom Trồ Israel dê.

II Ală Bơtau 22:20

Gen tàng, Añ rơp tơrgòm mê rê bal mơ ală ồng pàng mê; mơ mê rơp geh tơp tòm bơtô mê dô bă lơngap lơngai, mơ mat mê rơp ò gŏ ală bơta rung rài mơ Añ rơp cèng tus hơđang tiah do.” Gen bol khai yal wơl bơtau in ală jơnau hơ̆.

II Yal Yau 32:33

Ejekia bic lơhă bal mơ ală ồng pàng khai dê mơ geh tơp hơđang dòr la tiah bơtô ƀồc ală kòn sau Dabit dê. Jơh Juda mơ làng bol Jerusalem jòng ro khai tòm tŭ khai chơt. Mơ Manase kòn klau khai gơs bơtau pơrdòn sơbàn khai dê.

II Yal Yau 34:28

Tŭ do Añ rơp cèng tơrgòm mê rê bal mơ ală ồng pàng mê dê, mơ mê rơp geh tơp lơngap lơngai. Mat mê rơp ò gŏ jơh ală bơta rung rài mơ Añ rơp dùh hơđang tiah do mơ ală cau ơm tềng do.’” Behơ̆ bol khai rê yal wơl mơ cau bơtau jơnau ho wơl cau gơnoar hwơr ùr dê.

II Yal Yau 35:24

Behơ̆ ală cau duh broă khai tơlik khai bơh di rơndeh tòmlơh khai dê, mơ ơn khai hơđang dô nơm rơndeh tòmlơh ndai mơ cèng khai tus hơ Jerusalem mơ khai chơt tềng hơ̆. Cau tơp khai tòm bơtô ƀồc ală ồng pàng khai dê, jơh Juda mơ Jerusalem rac ròc ñìm ƀồc khai.

Đơs Crih 12:1

Ơ Yàng Jehôwa, dan dong kòl bol hi, bơh cau duh rngòt ò gam tai, Mơ cau dòn song neh roh bơh digùl kòn mơnus.

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Esai 47:11

Mơya bơta iơh rơp tus mơ ai, mơ ai rơp ò rgơi ting bơtrơh gơ. Dô bơta bòl glar rơp dùh hơđang ai, mơ ai ò geh pleh klàs kơnòm di phan tơwài; dô bơta tơnroh rơp tus hơđang ai nisơna la bơta ai ò git.

Esai 47:7

Ai neh đơs lah: “Añ rơp la cau ùr tòm gam sùm sùm!” Bơh ai ò ơn nùs kơlôi sơnơng bơh ală bơta hơ̆, hala kah kơlôi bơh bơta lồi dut bol khai dê.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 22:10

Bañ ñìm cau chơt in, bañ pơt wòl bơh khai. Chan ñìm cau lòt ngài in, bơh khai rơp ò rê wơl, ò gam gŏ wơl lơgar tòm khai.

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Khà Làng Bol 23:10

Ñcau rgơi kòp thul ơmul Jakôp dê, mơ kòp khà dô pơnah poan Israel dê taih? Lòi tĕ añ in chơt kung be cau song ring chơt, mơ dan bơta lồi dut añ jê gơlơh ndròm bal kung be bol khai dê!”