Esai 54:4 - Sră Goh 2018

⁴ Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Esai 54:4 ပူးပေါင်းရင်းမြစ်များ

Sră Jop 11:16

Ồng rơp hŭi bơta jê sồt ồng dê, Ồng rơp kah gơ be hiòng dà neh hòr ngài.

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Esai 29:22

Behơ̆ tàng, Yàng Jehôwa neh đơs, la Bơtau neh dong tơwài Abraham, neh đơs bơh hìu Jakôp be do: “Jakôp rơp ò gam ƀàssìl tai, muh mat bol khai dê rơp ò pàl tai.

Esai 4:1

Poh nă cau ùr rơp sơmbat kup dô nă cau klau tòm ngai hơ̆, mơ đơs lah: “Bol hi rơp sa phan tòm hi dê, soh ồi ào tòm hi dê; mìng lòi bol hi in geh hòi jat sơnđan mê dê; dan tă tơlik ngài bơta ƀàssìl bol hi dê!”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 50:7

Tài bơh Yàng Jehôwa la Yàng Tom Trồ dong kòl Añ, gen tàng Añ rơp ò kong cau sền òsơp. Gen tàng Añ lơh muh mat Añ kră be lŭ ồs mơ Añ git Añ rơp ò kong bơta ƀàssìl.

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 61:7

Tài bơh bơta ƀàssìl bol khai dê bàr dơ̆ rlau, mơ bơta sền òsơp geh yal tơnggit be pơnah tă khà bol khai dê; Gen tàng làng bol Añ jê rơp dòp geh bàr pơnah phan mơna bol khai dê, bol khai rơp geh bơta hòn chò gam sùm sùm.

Esai 65:16

Cau lơi hòi dan dô bơta lơngai tòm lơgar gen rơp ai lơngai bơh Yàng Tom Trồ bơta dòn song dê; cau lơi srat să ho nền tòm lơgar gen rơp srat să bơh Yàng Tom Trồ bơta dòn song dê. Bơh ală bơta bòl glar kalke lài òr neh hŭi jơh mơ neh pồn ndơp bơh di mat Añ.

Jeremi 31:19

Bơh tơnơ̆ mơ tŭ añ lòt tìs nrah, añ neh gơjrañ sang glài; Tơnơ̆ mơ tŭ añ neh git wă, añ tur di ntơh añ jê. Añ neh kong ƀàssìl ƀàsso mơ sền òsơp, Añ kong sền òsơp bơh pah rài kơnòm să añ jê.’

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ejekiel 16:22

Tòm jơh ală broă lơh cù kìr mơ bơta dri tơlàr dê, ai ò kah wơl ală ngai tòm tŭ ai gam kơnòm să, tòm tŭ ai ơm kuh lòi rồ mơ wañ tòm mhàm.’

Ejekiel 16:43

Tài bơh ai ò kah ală ngai tòm tŭ ai gam kơnòm să, mơya neh lơh Añ in gơhào gơjrañ bơh jơh ală bơta do, gen ngan la Añ rơp tơndùh hơđang ai ală bơta ai neh lơh,’ Jehôwa Yàng Tom Trồ đơs behơ̆. Ai ò di neh bơtơl bơta rềs àr bơrnàn tòm ală broă cù kìr ai neh lơh ò ơ?

Ejekiel 36:15

Añ rơp ò tŭ lơi lòi mê kơno ală jơnau lah sơrpah ală lơgar dê tai; mê rơp ò gam kong bơta bơtat bơtròh ală làng bol dê tai, mơ ò tai lơh lơgar mê dê gơkòl tơnroh, Jehôwa Yàng Tom Trồ đơs behơ̆.”

Jôel 2:21

Ơ ù tiah, bañ rngòt; chò hòp mơ hòn chò tĕ. Bơh Yàng Jehôwa neh lơh ală broă dờng.

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

I Pier 2:6

Bơh Sră Goh neh cih lah: “Do, añ ơn tòm Siôn dô nơm pơnai lŭ bồ mum hìu neh geh sac rwah mơ màng ngan, Cau lơi dòn di lŭ hơ̆ rơp ò gơs ƀàssìl.”