Esai 54:3 - Sră Goh 2018

³ Bơh ai rơp pò ơnàng làm đah ma mơ đah kiau; jơi bơtiàn ai rơp dòp geh lơgar lơh gơs tiah tòm, mơ rơp ơm tòm ală ƀòn dờng sang lòi ngềt ngơt.

Esai 54:3 ပူးပေါင်းရင်းမြစ်များ

Sơnròp Gơlik Gơs 26:22

Gen khai sang tiah hơ̆ lòt tò dô nơm tơrlung ndai, mơ tơrlung do bol khai ò tòmpìt tai, gen khai sơnđan la Rehôbôt, mơ đơs lah: “Tŭ do Yàng Jehôwa neh lòi bol hi in gơs tiah ơm, mơ bol hi rơp gơlik cồng nha tòm lơgar.”

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Esai 14:2

Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.

Esai 26:15

Mơya Kơnràñ neh bơtơl lơgar, ơ Yàng Jehôwa, Yàng neh bơtơl làng bol, bơta gơklŏ gơrê hơ Kơnràñ, Kơnràñ neh pò ơnàng jơh ală nhàr lơgar dê.

Esai 45:14

Do la jơnau Yàng Jehôwa đơs: “Phan mơna Ejiptơ dê, mơ ală phan kă bro Ethiôpi dê, mơ ală cau Sabe să jan jơnhoa, bol khai rơp tus hơ mê mơ rơp gơrê mơ mê; bol khai rơp lòt jat mê; bol khai rơp tus hơ mê tòm che sreng mơ kun bồ di đap mê, rac dan mơ mê lah: ‘Yàng Tom Trồ ơm mơ mê lơm; ò gơs yàng lơi ndai, ò gơs Yàng Tom Trồ lơi ndai tai.’”

Esai 48:19

Jơi bơtiàn bol mê dê rơp gơlik gơs oă kung be bràs, kòn sau bol mê dê rơp gơlik gơs kung be ală gar bràs; sơnđan bol khai ò tŭ lơi kòl jùt sang, kung ò kong tơnroh bơh di đap Añ.”

Esai 49:12

Do, ală cau do rơp tus bơh tiah ngài; cau ƀà rơp tus bơh đah đang, cau ƀà tus bơh đah mattơngai mut, cau ƀà tai tus bơh kơnhwàl Sinim.

Esai 49:8

Yàng Jehôwa đơs be do: “Tòm dô tŭ Añ niam nùs, Añ neh ho wơl mê in, mơ tòm ngai dong klàs Añ neh dong kòl mê; Añ rơp sền gàr mê mơ ai mê in be dô bơta ho bal làng bol in, nàng bơt bơtào wơl lơgar, mơ tòmpà pơnah sre brê neh lòi srau gòi gơ dê,

Esai 52:9

Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Esai 55:5

“Sền ne, bol mê rơp hòi ală lơgar mơ bol mê ò git, mơ ală lơgar ò git bol mê rơp ntoat tus hơ bol mê, tài bơh Jehôwa Yàng Tom Trồ bol mê dê la Bơtau Sàng Goh Israel dê, bơh Kơnràñ neh lơh bol mê in geh gơklŏ.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Rôma 11:12

Dilah bơta tìs glài bol khai dê la bơta pas gơs dunnia dê, bơta gơruc bol khai dê la bơta pas gơs làng bol bơdìh dê, tơ ài lah bơta rê wơl bol khai dê hơ Yàng Tom Trồ, gen sơlo lơh pas sơm, bềng lìu lin rlau ò git nđò!

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.