Esai 53:5 - Sră Goh 2018

⁵ Mơya Kơnràñ neh bơh tồi glài bol he dê mơ kong tềl sồt, bơh bơta iơh bơsak bol he dê mơ kong tơnlề; bơh bơta lơh glài Kơnràñ kong mơ bol he geh lơngap lơngai, bơh tềl sồt Kơnràñ dê mơ bol he geh sơmbòi.

Esai 53:5 ပူးပေါင်းရင်းမြစ်များ

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sră Jop 33:24

Nàng yal tơlik bơta nđàc cau hơ̆ in mơ đơs lah: ‘Dong tă tĕ khai klàs bơh di gùng mù hơ bơtô ƀồc; Añ neh jòi bàn dô nơm phan tơwài khai rau.’

Đơs Crih 30:2

Ơ Jehôwa Yàng Tom Trồ añ jê, añ rac dan mơ Yàng dong kòl, Mơ Kơnràñ neh sơmbòi añ.

Jơnau Pơnđik 20:30

Ală bơta sồt rmàñ mơ tềl sồt lơh goh bơta iơh, mơ gai mơng mut jrô tòm tiah ndơp ndơr nùs dê.

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 57:18

Añ neh sền gŏ ală gùng dà bol khai dê, mơya Añ rơp sơmbòi bol khai; Añ rơp tề lam bol khai mơ tơm wơl bol khai in mơ bơta pơndòm pơniang, tơnggơs bơta jòng ro di sơndồi ală cau ñìm ƀồc.

Esai 6:7

Seraphim tup rnga ồs hơ̆ di bơr añ, mơ đơs lah: “Tŭ do, ồs do neh tup di sơndồi mê, bơta tìs glài mê dê neh geh tă sang rau mơ tồi glài mê dê neh jùt goh rau.”

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Rôma 4:25

Kơnràñ neh kòl bơtào nàng kong chơt bơh tồi glài bol he dê, mơ kis wơl nàng bol he in geh kòp la song ring mơ Yàng Tom Trồ.

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Yal Wơl 11:2

Kah tĕ tòm ngai do lah ală kòn sau bol mê dê ò di la ală cau neh gŏ mơ git làm bơta lơh glài tơmàl Jehôwa Yàng Tom Trồ bol mê dê; mơya bol mê la ală cau pal dòp git bơta dờng ryŭ Kơnràñ dê, mpàng tê gơnap gơnoar Kơnràñ dê, tơwòr tê pò tơlik Kơnràñ dê,

Hebrơ 10:10

Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 5:8

Bulah Kơnràñ la Kòn Yàng Tom Trồ, kung neh bơtê dòn bơr bơh ală bơta bòl glar jê sồt Kơnràñ neh kong,

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.