Esai 53:2 - Sră Goh 2018

² Bơh Khai neh brồ dờng di đap Yàng Jehôwa kung be dô nơm sơmbut, mơ kung be dô nơm ryas gơcat bơh di ù rañ rsơh. Kơnràñ ò gơs rùp să hàng mơnĕ hala ryŭ ryơm tồ bol he sền di Kơnràñ, ò gơs bơta lơi tòm rùp să Kơnràñ lơh bol he in gơboh gơbài di Kơnràñ.

Esai 53:2 ပူးပေါင်းရင်းမြစ်များ

Esai 11:1

Dô nơm sơmbut rơp cat lik bơh tơnggu Jese; dô nơm Ntê hòn bơh ryas gơ.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 52:14

Kung be gơs oă cau gŏ Kơnràñ mơ ai lơh krơi, muh mat Kơnràñ ò niam rlau mơ jơh ală cau ndai, rùp să Kơnràñ ò gam be rùp să kòn mơnus tai.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Sacari 3:8

Tŭ do iat tĕ, ơ Jôsua cau gơnoar dờng lam bồ ơn phan duh khoai, mơ ală cau bal mơ mê nggui di đap mê la ală cau lơh rùp sơnio bơh ală bơta rơp tus: Añ rơp cèng cau duh broă Añ jê la Ntê Chi.

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Jơnau Niam Jat Mak 6:3

Cau do ò di la cau chài lơh chi, kòn klau Mari dê, oh mi mơ Jakơ, Jôsep, Jude mơ Simôn dê ò ơ? Ò di ală oh ùr khai dê ơm digùl bol he ò ơ?” Gen bol khai ò dòp Kơnràñ.

Jơnau Niam Jat Mak 9:12

Kơnràñ ho lah: “Ngan Eli pal tus lài bơtào wơl jơh ală bơta. Ai jơnau neh cih bơh Kòn Mơnus lah Kơnràñ pal kong oă bơta bòl glar mơ gơkòl sền òsơp gen mbe lơi taih?

Luka 2:7

Khai deh kòn klau tơnhoa, ai ồi klơm, mơ tơmbic tòm bòng ñhơt, bơh hìu ơpah bic ò gơs tiah bol khai in ơm.

Luka 9:58

Yàng Jesu đơs lah: “Pì gơs trồm, sềm gơs rsòn, mơya Kòn Mơnus ò gơs tiah gòl bồ.”

Jang 18:40

Behơ̆ bol khai driau dờng tai lah: “Bañ hồ cau do, hồ tĕ Baraba!” Baraba la dô nă cau phà kơñau.

Jang 19:5

Behơ̆ Yàng Jesu ndau sơgơn lò, soh ào gur mơ lik, gen Pilat đơs mơ bol khai lah: “Do, sền cau do!”

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

I Pier 2:14

hala ală cau kwang đơng lơgar la ală cau mơ bơtau neh sồr lòt nàng lơh glài ală cau lơh iơh mơ jòng ro ală cau lơh niam.