Esai 52:9 - Sră Goh 2018

⁹ Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Esai 52:9 ပူးပေါင်းရင်းမြစ်များ

Đơs Crih 102:22

Tòm tŭ ală làng bol pơjum bal Mơ ală lơgar nàng duh khoai Yàng Jehôwa.

Đơs Crih 98:4

Ơ jơh plai ù, ai tĕ jơnau dờng hòn chò jòng ro Yàng Jehôwa, Đơs tĕ bơta đơs chò hòn chò mơ đơs chò jòng ro Yàng!

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 14:7

Jơh plai ù ơm lơngap lơngai, mơ ring ngềt, ai jơnau đơs chò.

Esai 40:1

Yàng Tom Trồ bol mê dê đơs lah: “Pơndòm pơniang tĕ, pơndòm pơniang tĕ làng bol Añ jê.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 49:13

Ơ ală tap trồ, driau chò tĕ; Ơ plai ù, hòn chò tĕ; Ơ ală mơnơm, pò bơr đơs chò tĕ! Bơh Yàng Jehôwa pơndòm pơniang làng bol Kơnràñ dê, mơ rơp kòñ nđàc ală cau bòl glar moat jrùng Kơnràñ dê.”

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Esai 51:3

Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 55:12

Bơh bol mê rơp lik lòt tòm bơta hòn chò, gen lam rê wơl tòm bơta lơngap lơngai. Ală mơnơm mơ ală dòr rơp ai jơnau đơs chò di đap bol mê, mơ jơh ală chi che tòm ƀlàng rơp tàp tê bol gơ dê.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Mice 4:10

Ơ kòn ùr Siôn, bơta jê sồt mơ rơnđơh kung be cau ùr jê deh, bơh tŭ do mê rơp lik bơh ƀòn dờng mơ bơtào sàl ơm tòm ƀlàng. Mê rơp lòt tus hơ Babilôn; Tềng hơ̆ mê rơp geh dong klàs. Tềng hơ̆ Yàng Jehôwa rơp dong tơwài mê lik klàs bơh di tê ală cau sò tơm mê dê.

Galati 4:27

Bơh Sră Goh neh cih lah: “Ơ cau ùr kơnền la cau ò gơs tŭ lơi deh, hòn chò tĕ; Ơ cau ò gơs tŭ lơi kong jê deh, ai tĕ jơnau driau chò, Bơh cau ùr kòl cau sang lòi rơp gơs kòn sau oă rlau mơ kòn sau cau ùr gơs bau dê.”