Esai 52:3 - Sră Goh 2018

³ Bơh Yàng Jehôwa đơs be do: “Bol ai neh kong tac ò geh phan lơi, mơ bol ai kung rơp geh tơwài wơl ò tơm jền priă.”

Esai 52:3 ပူးပေါင်းရင်းမြစ်များ

Đơs Crih 44:12

Yàng neh tac làng bol Kơnràñ dê dô bă ƀuơn ngan, ò jòi khà priă kas màng di bol khai.

Đơs Crih 44:13

Yàng lơh bol hi in be phan cau gơp ƀòn hi dơñŏ tơnhial, Be phan bơtat bơtròh mơ bơrsèl tơnhial gùt dar bol hi.

Esai 1:27

Siôn rơp geh tơwài wơl mơ gơlik gơs song ngan, ală cau gơjrañ sang glài rê wơl gen rơp geh kòp la song ring.

Esai 45:13

Añ rơp tơngguh Sirus tòm bơta song ring, Añ rơp bơsong jơh ală gùng dà khai dê. Khai rơp bơt bơtào wơl ƀòn dờng Añ jê, mơ hồ toh ală cau kong kup cèng Añ jê geh khat gơboh, mơya ò di bơh khà jền hala nàng geh phan ƀàn, Yàng Jehôwa Gơnap Gơnoar Dờng đơs behơ̆.”

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Esai 63:4

Bơh ngai sal tê gơ ơm tòm nùs Añ, mơ nam dong tơwài Añ jê neh tus.

Jeremi 15:13

Añ rơp jào bơta pas sơm mơ phan màng bol mê dê, cau phà kơñau in mơ ò tơm jền. Tài bơh jơh ală tồi glài bol mê dê, Tòm làm jơh ù tiah bol mê dê.

Ejekiel 16:31

Tòm tŭ ai bơt ală tiah jơnhoa hơđang ai dê di bồ kòp nơm gùng, mơ bơtào ală hìu bơmồng jơnhoa tòm kòp nơm gùng, ai lơh ò di kung be cau ùr dri, bơh ai sền òsơp di jền cau tơm ai in.

Ejekiel 34:27

Ală chi tòm ƀlàng rơp gơlik plai bol gơ dê, mơ ù tiah rơp bơtơl oă cồng nha gơ dê; bol khai rơp ơm lơngap lơngai tòm ù bol khai dê, mơ bol khai rơp git Añ la Yàng Jehôwa tòm tŭ Añ dơrpă ală yô bol khai dê, mơ dong tă bol khai klàs bơh di tê ală cau kup dĭ bol khai.

Lebi 25:54

Bulah khai ò geh tơwài wơl bơh dô nơm gùng lơi tòm ală gùng hơ̆, khai mơ ală kòn khai dê pal geh hồ toh tòm Nam Hòn chò,

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,