Esai 52:1 - Sră Goh 2018

¹ Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 52:1 ပူးပေါင်းရင်းမြစ်များ

I Yal Yau 16:29

Ơn tĕ Yàng Jehôwa in bơta gơklŏ gơrê bal mơ sơnđan Kơnràñ. Cèng tĕ dô nơm phan ơn mơ lòt tus di đap Kơnràñ; Duh khoai tĕ Yàng Jehôwa tòm bơta gơklŏ bơta sàng goh Kơnràñ dê.

Nehemi 11:1

Ală kwang at bồ làng bol Israel dê ơm tòm Jerusalem; mơ làng bol gam wơl gen tĕ khà nàng sac rwah dô nă tòm kòp jơt nă bol khai nàng tus ơm tòm Jerusalem, la ƀòn sàng goh, tòm tŭ sin nă cau gam wơl gen ơm tòm ală ƀòn ndai.

Đơs Crih 110:3

Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

Lik Ejiptơ 28:2

Jing tĕ ală ồi ào ơn is sàng goh Arôn in nàng khai in geh di pal mơ geh ki ngàm

Lik Ejiptơ 28:40

Jing tĕ ală kòn klau Arôn in ală ào soh dơlam, che but mơ sơgơn, tồ bol khai in geh di pal mơ ki ngàm.

Esai 1:21

Sền ne, mbe ƀòn dờng dòn song gơlik gơs be cau ùr dri! Bơh lài gơ gơs bềng bơta song ngan, bơta song ring òs ơm sùm tòm hơ̆, mơya tŭ do gơ gơs bềng ală cau tơnchơt cau!

Esai 1:26

Añ rơp bơtào wơl ală cau kwang cahrña ai dê kung be tòm ngai yau òr, bơtào wơl ală cau chài bơyai broă ai dê be tòm tŭ sơnròp. Tơnơ̆ mơ hơ̆ cau rơp sơnđan ai la Ƀòn Dờng Song Ring, la Ƀòn Dờng Dòn Song.

Esai 26:2

Pò tĕ ală mpồng ƀòn dờng nàng làng bol song ring la làng bol prap gàr bơta dòn rgơi mut tềng hơ̆.

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 4:3

Ală cau gam wơl tòm Siôn, mơ ală cau gam ơm wơl tòm Jerusalem, hơ̆ la jơh ală cau geh sơnđan la sàng goh, jơh tơl nă cau geh cih tòm sră cau kis dê tòm Jerusalem.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 49:18

Mê pò tĕ mat mơ sền gùt dar; bol khai jơh tơl nă pơjum bal mơ tus hơ mê.” Yàng Jehôwa đơs lah: “Di ngan kung be Añ kis, mê rơp ngui jơh ală bol khai kung be ală phan bơka să, mê rơp dòp soh bol khai kung be dô nă ƀan pa.

Esai 51:17

Ơ Jerusalem, Guh tĕ, guh mơ ntào tĕ! Bol mê neh hùc bơh di tê Yàng Jehôwa mơngàn bơta gơjrañ dờng Kơnràñ dê, bol mê neh hùc tus di soat mơngàn lơh cau in gơsèng.

Esai 51:9

Kah rngal tĕ, kah rngal tĕ! Soh tĕ bơta pràn kơldang! Ơ tơwòr tê Yàng Jehôwa dê! Kah rngal tĕ kung be tòm ală ngai neh yau, be tòm ală rài neh jŏ jòng rau! Hơ̆ ò di Kơnràñ la Bơtau neh koh Rahap rpot rpet, neh srơp bluh nagrài hơ̆ ò ơ?

Esai 60:1

Guh tĕ, pơnđàng sòl tĕ, bơh bơta àng mê dê neh tus, mơ bơta gơklŏ Yàng Jehôwa dê neh pơnđàng hơđang mê.

Esai 60:21

Gen jơh làng bol mê dê rơp geh song ring, mơ bol khai rơp dòp geh lơgar gam sùm sùm. Bol khai la sơmbut Añ neh tam, la broă tê Añ neh lơh gơs nàng ràng tơlik bơta gơklŏ Añ jê.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 64:10

Ală ƀòn dờng sàng goh Kơnràñ dê neh gơlik gơs dô nơm ƀlàng bràs; Siôn neh gơlik gơs la dô nơm ƀlàng ngềt ngơt, Jerusalem la tiah sang lòi srau gòi.

Jeremi 31:23

Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Ejekiel 44:9

Do la jơnau đơs Jehôwa Yàng Tom Trồ dê: ‘Ò gơs cau làng bơdìh lơi ò siat gơltau tòm nùs mơ tòm poac să geh mut tòm tiah sàng goh Añ jê, bulah la cau làng bơdìh neh kis digùl làng bol Israel kung behơ̆ sơl.

Daniel 10:9

Gen añ kơno jơnau cau hơ̆ đơs, mơ tòm tŭ añ ơm iat khai, añ gơlơh jơngo sup tòm dơngoh mơ bic blup mat tòm ù.

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Nahum 1:15

Sền ne! Hơđang ală mơnơm gơs mpàng jơng cau cèng jơnau niam mơ yal bơta lơngap lơngai! Ơ Juda, pơjum sa chò hòp tĕ ală ngai wèr mê dê, mơ lơh jat wil tơl ală jơnau ho pơgon mê dê, bơh cau iơh bơsak rơp ò brồ lơh mê tai; bol khai neh kong tơnroh jơh hir rau.

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 3:4

Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.”

Mathiơ 4:5

Gen cà ràk cèng Kơnràñ tus hơ ƀòn dờng sàng goh, ơn Kơnràñ hơđang bồ rkàng hìu duh khoai,

Luka 15:22

Mơya cau bèp đơs mơ ală cau dĭ lah: ‘Cèng tĕ mhar ào jrùh niam rlau jơh tơnsoh khai in, tơndò sơmbiat di ràs tê, ai khŏ tơnjă di jơng.

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Ephesô 4:24

mơ dòp soh cau pa, la cau neh geh crơng gơs jat be Yàng Tom Trồ tòm bơta song ring mơ bơta sàng goh jơnau song dê.

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.

Yal Tơlik 19:14

Ală mpồl ling hơđang trồ soh ào bài che dơmài lơbơn, bò mơ goh, hào ơseh kò lòt jat Kơnràñ.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.

Yal Tơlik 21:27

Ò gơs bơta ngkòr ngkàc lơi, ò gơs cau cù kìr lơi hala cau blac chừt lơi geh mut tềng hơ̆, mơya mìng ală cau neh geh cih sơnđan mat tòm sră bơta kis Belàt Kòn dê geh mut lơm.