Esai 51:9 - Sră Goh 2018

⁹ Kah rngal tĕ, kah rngal tĕ! Soh tĕ bơta pràn kơldang! Ơ tơwòr tê Yàng Jehôwa dê! Kah rngal tĕ kung be tòm ală ngai neh yau, be tòm ală rài neh jŏ jòng rau! Hơ̆ ò di Kơnràñ la Bơtau neh koh Rahap rpot rpet, neh srơp bluh nagrài hơ̆ ò ơ?

Esai 51:9 ပူးပေါင်းရင်းမြစ်များ

Sră Jop 26:12

Kơnràñ ai gơnap gơnoar Kơnràñ dê lơh ring drik dàlềng, Bơh bơta jak chài Kơnràñ dê Kơnràñ tơnchơt Rahap.

Sră Jop 9:13

Yàng Tom Trồ rơp ò pơrlac bơta gơjrañ Kơnràñ dê; Bulah ală cau dong kòl Rahap tơmbic să di jơng Kơnràñ.

Đơs Crih 21:13

Ơ Yàng Jehôwa, dan Kơnràñ geh yò tơngguh tòm gơnoar pràn Kơnràñ dê! Bol hi rơp đơs chò jòng ro gơnap gơnoar Kơnràñ dê.

Đơs Crih 44:1

Ơ Yàng Tom Trồ, tồr bol hi neh kơno, Ồng pàng bol hi neh yal wơl Ală broă Kơnràñ neh lơh tòm rài bol khai dê, tòm ală ngai yau òr;

Đơs Crih 44:2

Yàng neh ngui tê tòm Kơnràñ dê bơtrơh ală lơgar, mơya Kơnràñ tam ồng pàng bol hi dê. Yàng lơh ală làng bol in gơprah gơpring, mơya lơh ồng pàng bol hi in geh khat gơboh.

Đơs Crih 44:23

Ơ Yàng, dan guh! Ñchi bơh tài Kơnràñ bic taih? Dan kah! Bañ sang lòi bol hi sùm sùm!

Đơs Crih 44:24

Ñchi bơh tài Yàng pồn mat taih? Ñchi bơh tài Kơnràñ lơh hŭi bơta bòl glar mơ bơta rồn bơklơn di bol hi taih?

Đơs Crih 59:4

Ò di bơh bơta tìs añ jê, bol khai ntoat rcang tòmlơh. Ơ Yàng, dan guh tus dong kòl añ, mơ sền gŏ!

Đơs Crih 7:6

Ơ Yàng Jehôwa, dan guh tòm bơta gơjrañ Kơnràñ dê, guh mơ tòmdră mơ bơta gơhào gơjrañ cau sò tơm añ jê; Ơ Yàng Tom Trồ añ jê, dan kah rngal; Kơnràñ neh sồr bơtào bơta cahrña rau.

Đơs Crih 77:5

Añ kơlôi sơnơng bơh ngai yau òr, Mơ kah ală sơnam neh rlau.

Đơs Crih 78:65

Gen Yàng kah rngal bơh bơta bic, Ò gơkrơi be cau pràn kơldang driau dờng tài bơh tơrnòm.

Đơs Crih 87:4

Digùl ală cau mòng git añ gen añ đơs bơh Rahap mơ Babilôn; Ne lơgar Philistin mơ Tirơ, bal mơ Ethiôpi. “Cau do neh deh tềng hơ̆,” bol khai đơs behơ̆.

Đơs Crih 89:10

Yàng neh lơh lề lac Rahap ò gơkrơi be dô nơm ƀồc ồm, Kơnràñ neh lơh gơprah gơpring ală cau sò tơm di Kơnràñ, mơ tơwòr tê gơnoar pràn Kơnràñ dê.

Đơs Crih 89:11

Ală tap trồ gơrê mơ Kơnràñ, plai ù kung gơrê mơ Kơnràñ; Yàng neh bơtào gơs dunnia mơ jơh ală phan tòm gơ.

Đơs Crih 93:1

Yàng Jehôwa la Bơtau at bồ; Kơnràñ soh bơta ryŭ ryơm be ào; Yàng Jehôwa soh mơ kơt but mơ bơta pràn kơldang. Dunnia geh bơtào kơ̆, mơ rơp ò gơs tŭ lơi wañ lơnggơh.

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Esai 30:7

Bơh bơta dong kòl Ejiptơ la ò kwơ mơ tê gòi. Gen tàng Añ sơnđan khai la Rahap nggui ò ơwañ.

Esai 51:17

Ơ Jerusalem, Guh tĕ, guh mơ ntào tĕ! Bol mê neh hùc bơh di tê Yàng Jehôwa mơngàn bơta gơjrañ dờng Kơnràñ dê, bol mê neh hùc tus di soat mơngàn lơh cau in gơsèng.

Esai 51:5

Añ rơp cèng bơta dong tă Añ jê tus rềp mhar ngan; bơta dong klàs Añ jê neh lik lòt rau; mơ tơwòr tê Añ jê rơp at bồ hơđang ală làng bol; ală bồt pơlào kơp gơn Añ mơ bol khai gơn kơnòm di tơwòr tê Añ jê.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Esai 62:8

Yàng Jehôwa neh srat să bơh tê ma Kơnràñ dê mơ bơh tơwòr tê gơnoar pràn Kơnràñ dê lah: “Añ rơp ò tŭ lơi ai kòi mi ai dê lơh gơs phan sa ală cau sò tơm ai in tai, mơ làng bol bơdìh rơp ò geh ñô tơrnòm mơ ai neh kong lơh broă bòl glar;

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Mice 7:15

Be tòm ală ngai tòm tŭ mê lik bơh lơgar Ejiptơ, sơnio bol hi in gŏ ală bơta crih crài.

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.

Habakuk 3:13

Kơnràñ neh lik nàng dong tă làng bol Kơnràñ dê, nàng dong klàs cau geh bong mơñà Kơnràñ dê; Kơnràñ jă tơnlề cau at bồ hìu cau iơh bơsak, Kơnràñ lòi kuh khai bơh bồ tus jơng. (Selah)

Sacari 10:11

Bol khai rơp tiă rlau dàlềng kalke bòl glar; mơ ryà dàlềng rơp kong pòng tơmù; mơ jơh ală tiah jrô hiòng Nil dê rơp soat rañ. Bơta pơnhừ să Asiri dê rơp kong tơmù, mơ gai gơnoar Ejiptơ dê rơp ò gam tai.

Sacari 2:13

Ơm tĕ mŏ mŏ, ơ jơh làng bol, di đap Yàng Jehôwa; bơh Kơnràñ neh guh bơh di tiah ơm sàng goh Kơnràñ dê.

Luka 1:51

Kơnràñ neh ai tê Kơnràñ mơ lơh gơs bơta pràn kơldang, lơh gơprah gơpring cau gơs nùs kơlôi pơnhừ să,

Jang 12:38

nàng gơlik di ngan be jơnau cau gơnoar hwơr Esai neh đơs lah: “Ơ Yàng, ñcau neh dòn jơnau bol hi bơto yal, mơ tơwòr tê Yàng neh geh yal tơlik ñcau in taih?”

Broă 7:7

Yàng Tom Trồ đơs tai lah: ‘Añ rơp cahrña làng bol neh kup bol khai lơh gơs dĭ, tơnơ̆ mơ hơ̆ bol khai rơp lik klàs, mơ duh broă Añ tòm tiah do.’

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?

Yal Tơlik 11:17

mơ đơs lah: “Ơ Yàng la Yàng Tom Trồ, bơtau Gơnoar Dờng Làm Jơh, Kơnràñ Gam Gơs mơ Neh Gơs, bol hi ưnngài Kơnràñ, tài bơh Kơnràñ neh ai gơnap gơnoar dờng Kơnràñ dê mơ neh sơntòm at bồ.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Ală Kwang Cahrña 6:13

Gideôn đơs lah: “Mơya ơ ồng, dilah Yàng Jehôwa ơm bal mơ bol hi gen ñchi bơh tài ală bơta do neh gơ tus di bol hi taih? Ntềng đah ală bơta crih crài Kơnràñ dê mơ ală ồng pàng bol hi dê neh yal wơl mơ lah: ‘Hơ̆ ò di la Yàng Jehôwa neh cèng bol hi lik bơh lơgar Ejiptơ ò ơ?’ Mơya tŭ do Yàng Jehôwa neh sang lòi bol hi mơ neh jào phi bol hi tòm tê làng bol Midian.”