Esai 51:8 - Sră Goh 2018

⁸ Bơh mŏ rơp sa roh bol khai kung be sa ồi ào; kih rhài rơp sa bol khai kung be sa sơnò belàt. Mơya bơta dong tă Añ jê rơp gam sùm sùm, bơta dong klàs Añ jê gam sùm jơl jơh ală rài.”

Esai 51:8 ပူးပေါင်းရင်းမြစ်များ

Sră Jop 13:28

Cau siar roh be dô nơm phan ồm lề, Kung be dô nơm ào gơkòl tu sa.”

Sră Jop 4:19

Tơ ài lah ală cau ơm tòm ală hìu mơ ù kơnàng, Gơs mơnàng tòm kơmbuh ù, bol khai kong tơnlề be dô nơm mŏ!

Esai 14:11

Bơta hàng mơnĕ ryŭ ryơm rơp cèng mê mù tòm lơgar làng ƀồc, bal mơ sap ală kơñi pĕ mê dê; Tu lơh gơs bềl lă bic mê dê, kih rhài lơh gơs ồi tơ̆ mê!’”

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 46:13

Añ cèng bơta song ring Añ jê tus rềp, gơ ò ơm ngài; mơ bơta dong klàs Añ jê rơp ò lơh òbat nyà. Añ rơp ai bơta dong klàs Siôn in, bơta gơklŏ Añ jê Israel in.

Esai 50:9

Yàng Jehôwa la Yàng Tom Trồ Bơtau dong kòl Añ. Ñcau la cau rơp lơh nền glài Añ taih? Bol khai jơh tơl nă rơp klar yau kung be ồi ào, mŏ tu rơp sa roh bol khai jơh.

Esai 51:6

Pò tĕ mat bol mê dê tơnggòr ală tap trồ, sền tĕ di plai ù hơđơm; ală tap trồ rơp roh thit be ñhŭ, plai ù rơp klar lơho be ồi ào, mơ ală làng bol ơm hơđang plai ù rơp chơt be smềt. Mơya bơta dong klàs Añ jê rơp gam sùm sùm, bơta dong tă Añ jê rơp ò tŭ lơi lồi.

Esai 54:9

“Gơwèt mơ Añ, bơta hơ̆ kung be ală ngai tòm rài Nôe, tòm tŭ Añ srat să ho nền lah dà kŏ tòm rài Nôe rơp ò tŭ lơi ngŏ hơđang ù tai. Behơ̆ tŭ do Añ srat să ho nền lah Añ rơp ò gơjrañ di ai tai, mơ rơp ò tŭ lơi lah pơrhơng ai tai.

Esai 66:24

Bol khai rơp lik lòt mơ sền gŏ ƀồc chơt ală cau tòmdră mơ Añ; tu rhài bol khai dê rơp ò chơt, ồs bol khai dê kung rơp ò tŭ lơi chơt; mơ bol khai rơp la dô bơta ƀơ̆ ƀơl cù kìr jơh jơi poac să in.”

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Sră Ôse 5:12

Gen tàng añ lơh kung be mŏ tu hơ Epraim, kung be bơta ồm lề hơ làng bol Juda.

Luka 1:50

Bơta kòñ nđàc Kơnràñ dê gam bơh rài do jơl rài ne hơđang ală cau duh rngòt dê Kơnràñ.