Esai 51:6 - Sră Goh 2018

⁶ Pò tĕ mat bol mê dê tơnggòr ală tap trồ, sền tĕ di plai ù hơđơm; ală tap trồ rơp roh thit be ñhŭ, plai ù rơp klar lơho be ồi ào, mơ ală làng bol ơm hơđang plai ù rơp chơt be smềt. Mơya bơta dong klàs Añ jê rơp gam sùm sùm, bơta dong tă Añ jê rơp ò tŭ lơi lồi.

Esai 51:6 ပူးပေါင်းရင်းမြစ်များ

Đơs Crih 103:17

Mơya bơta kòñ gơboh kơ̆ dơn Yàng Jehôwa dê gam sùm sùm Gơwèt mơ ală cau duh rngòt di Kơnràñ, Mơ bơta song ring Kơnràñ dê gam sùm sùm gơwèt mơ sau set bol khai dê.

Đơs Crih 111:3

Broă lơh Kơnràñ dê la pal ki ngàm mơ ryŭ ryơm; Bơta song ring Kơnràñ dê gam sùm sùm.

Esai 13:13

Behơ̆ tàng Añ rơp lơh ală tap trồ gơlơnggơr, ù tiah rơp gơlơnggơr mơ gơpơrdô bơh di tiah gơ dê bơta gơjrañ dờng Yàng Jehôwa Gơnap Gơnoar Dờng dê, tòm ngai Kơnràñ gơhào gơjrañ.

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Esai 34:4

Jơh ală gơnoar hơđang trồ rơp roh thit, ală tap trồ rơp pồt wơl be dô blah sră pồt; jơh ală mpồl sơmañ rơp rung be nha ño ro, hala be plai ƀal ro rung bơh tòm chi ƀal.

Esai 40:26

Pò tĕ mat tơnggòr sền hơđang ală tap trồ: ñcau neh crơng gơs ală phan hơ̆ taih? Hơ̆ la Bơtau neh lơh gơlik gơs ală sơmañ mơ ală khà bol gơ dê, mơ hòi bol gơ jat ală sơnđan is gơ dê; tài bơh bơta pràn Kơnràñ dê la dờng Tòm gơnap gơnoar pràn Kơnràñ dê. Ò lòi hŭi dô nơm lơi.

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 50:9

Yàng Jehôwa la Yàng Tom Trồ Bơtau dong kòl Añ. Ñcau la cau rơp lơh nền glài Añ taih? Bol khai jơh tơl nă rơp klar yau kung be ồi ào, mŏ tu rơp sa roh bol khai jơh.

Esai 51:8

Bơh mŏ rơp sa roh bol khai kung be sa ồi ào; kih rhài rơp sa bol khai kung be sa sơnò belàt. Mơya bơta dong tă Añ jê rơp gam sùm sùm, bơta dong klàs Añ jê gam sùm jơl jơh ală rài.”

Esai 54:10

Bulah ală mơnơm gơ dô mơ ală dòr kòl ntròn bơh di tiah gơ dê, mơya bơta kòñ gơboh kơ̆ dơn Añ jê rơp ò cah ngài bơh ai, mơ bơta ho bal lơngap lơngai Añ jê rơp ò tŭ lơi tòmgơl,” Yàng Jehôwa đơs behơ̆ la Bơtau neh kòñ nđàc ai.

Esai 54:9

“Gơwèt mơ Añ, bơta hơ̆ kung be ală ngai tòm rài Nôe, tòm tŭ Añ srat să ho nền lah dà kŏ tòm rài Nôe rơp ò tŭ lơi ngŏ hơđang ù tai. Behơ̆ tŭ do Añ srat să ho nền lah Añ rơp ò gơjrañ di ai tai, mơ rơp ò tŭ lơi lah pơrhơng ai tai.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.