Esai 51:3 - Sră Goh 2018

³ Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 51:3 ပူးပေါင်းရင်းမြစ်များ

Sơnròp Gơlik Gơs 13:10

Gen Lot tơnggòr, sền gŏ làm jơh ƀlàng hiòng Jordan, la tiah gơs dà hòr làm tus hơ Soar, lài mơ tŭ Yàng Jehôwa òhềt tơnroh Sôdôm mơ Gômôrơ, ƀlàng hơ̆ kung be suơn Yàng Jehôwa dê mơ be lơgar Ejiptơ.

Đơs Crih 85:8

Lòi añ in kơno jơnau Jehôwa Yàng Tom Trồ rơp đơs, Bơh Kơnràñ rơp đơs jơnau lơngap lơngai mơ làng bol Kơnràñ dê, mơ cau dòn song Kơnràñ dê, bal mơ cau gơs nùs rê wơl mơ Kơnràñ.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 35:6

Tŭ hơ̆ cau kwet kơlte rơp sơnđoh be jun, lơmpiat cau kloat rơp đơs chò bơta hòn chò in. Dà rơp gơcat tòm ƀlàng ngềt ngơt, mơ ală croh dà rơp gơhòr tòm ƀlàng bràs.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 43:19

Do, Añ mòr lơh dô bơta pa! Tŭ do gơ rơp gơlik gơs mo; bol mê ò đal git ơ? Añ rơp pò dô nơm gùng tòm ƀlàng bràs, mơ pò ală croh dà tòm ƀlàng ngềt ngơt.

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 49:13

Ơ ală tap trồ, driau chò tĕ; Ơ plai ù, hòn chò tĕ; Ơ ală mơnơm, pò bơr đơs chò tĕ! Bơh Yàng Jehôwa pơndòm pơniang làng bol Kơnràñ dê, mơ rơp kòñ nđàc ală cau bòl glar moat jrùng Kơnràñ dê.”

Esai 49:19

Bulah mê neh gơprah gơpring mơ kòl sang ngềt ngơt, mơ lơgar mê dê gơkòl lòi srau gòi, tŭ do mê rơp gơlik gơs hat hal làng bol mê in, mơ ală cau neh sa loan mê rơp ơm ngài bơh di mê.

Esai 49:8

Yàng Jehôwa đơs be do: “Tòm dô tŭ Añ niam nùs, Añ neh ho wơl mê in, mơ tòm ngai dong klàs Añ neh dong kòl mê; Añ rơp sền gàr mê mơ ai mê in be dô bơta ho bal làng bol in, nàng bơt bơtào wơl lơgar, mơ tòmpà pơnah sre brê neh lòi srau gòi gơ dê,

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Esai 52:9

Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 65:18

Mơya hòn chò tĕ mơ chò hòp tĕ gam sùm sùm tòm bơta Añ crơng gơs, bơh Añ rơp crơng gơs Jerusalem lơh gơs dô bơta chò hòp, mơ làng bol gơ dê lơh gơs dô bơta hòn chò.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Ejekiel 28:13

Mê neh ơm tòm suơn Eden, la suơn Yàng Tom Trồ dê; Mê neh geh bơka să mơ tơl ală lŭ màng: lŭ kĕ pơrhê, lŭ kĕ rmit, lŭ kĕ màng, lŭ màng tơlir, lŭ màng pơrhê, lŭ màng gơcrà, lŭ màng tơlir trồ, lŭ kĕ tơlir, lŭ màng tơlir ñhơt. Jơh ală lŭ màng hơ̆ geh lơh bal mơ màh mơ rcang sir tòm ngai mê geh crơng gơs.

Ejekiel 36:11

Añ rơp ai bơtơl khà kòn mơnus mơ phan poan jơng hơđang bol mê, bol khai rơp gơbơtơl mơ gơlik oă. Añ rơp lơh mê in gơs làng bol ơm kung be lài òr, mơ ai bol mê in oă bơta niam rlau mơ lài òr. Gen bol mê rơp git Añ la Yàng Jehôwa.

Ejekiel 36:35

Bol khai rơp đơs lah: “Ù tiah lòi srau do neh gơlik gơs kung be suơn Eden; ală ƀòn dờng tơrlah tơrlơm, sang lòi ngềt ngơt, mơ gơkòl tơnroh, tŭ do neh geh bơtào kơ̆ mơ gơs làng bol ơm!”

Jôel 2:3

Ồs sa loan di đap bol khai, đah ngkòi bol khai gơs lơmpiat ồs chu pơrguc. Di đap bol khai ù tiah kung be suơn Eden, đah ngkòi bol khai dô nơm ƀlàng ngềt ngơt srau gòi, ò gơs phan lơi klàs bơh gơ.

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.