Esai 51:2 - Sră Goh 2018

² Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Esai 51:2 ပူးပေါင်းရင်းမြစ်များ

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 24:1

Abraham neh kra, sơnam neh jòng, mơ tòm jơh ală bơta Yàng Jehôwa neh ai lơngai lơngò khai in.

Sơnròp Gơlik Gơs 24:35

Yàng Jehôwa neh ai lơngai cau tòm añ in oă ngan, khai gơs pas sơm, Kơnràñ ai cau tòm añ in belàt, kơnrồ, priă, màh, dĭ ùr, dĭ klau, làkđa mơ alàng.

Esai 29:22

Behơ̆ tàng, Yàng Jehôwa neh đơs, la Bơtau neh dong tơwài Abraham, neh đơs bơh hìu Jakôp be do: “Jakôp rơp ò gam ƀàssìl tai, muh mat bol khai dê rơp ò pàl tai.

Esai 41:8

Mơya bol mê, ơ Israel, la cau duh broă Añ jê, Jakôp la cau Añ neh sac rwah, bol mê la jơi bơtiàn Abraham cau bơyô Añ jê;

Esai 43:27

Pàng yau sơnròp mê dê neh tìs glài, ală cau yal tơlik jơnau đơs mê dê neh sơrlèt rlau tòmdră wơl mơ Añ.

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Esai 60:22

Cau dô êt rlau jơh tòm mê rơp gơlik gơs dô jơi bơtiàn, cau dềt rhền rlau jơh rơp gơlik dô nơm làng bol pràn kơldang. Añ la Yàng Jehôwa, di di tŭ tơngai gơ dê, Añ rơp lơh gơlik gơs mhar ală bơta hơ̆!

Esai 63:16

Bơh Kơnràñ la Bèp bol hi dê, bulah Abraham ò git bol hi, Israel ò đal git bol hi; Ơ Yàng Jehôwa, Kơnràñ la Bèp bol hi dê, Sơnđan Kơnràñ la Bơtau Dong Tơwài bol hi dê bơh yau òr.

Ejekiel 33:24

“Ơ kòn mơnus, ală cau ơm tòm tiah srau gòi tòm lơgar Israel dê gam đơs lah: ‘Abraham gơs mìng dô nă lơm mơya khai neh dòp geh lơgar lơh gơs sre brê. Mơya bol he gơs oă cau, gen di ngan la lơgar neh geh ai bol he in lơh gơs sre brê.’

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Yal Wơl 26:5

Lồc behơ̆, bol mê rơp yal tơlik di đap Jehôwa Yàng Tom Trồ bol mê dê lah: “Ồng pàng bol hi dê la dô nă cau Aram lòt bơh tiah do tus tiah ne, mơ khai neh mù hơ Ejiptơ bal mơ dô êt nă cau ơm tềng hơ̆ mơ neh gơlik gơs dô nơm làng bol dờng, gơs gơnoar pràn mơ gơs oă cau.

Jôsue 24:3

Mơ Añ neh tă tơlik ồng pàng bol mê dê la Abraham bơh lơgar đah ne hiòng mơ lam khai làm lơgar Kanaan, mơ ai khai in gơs oă kòn sau. Añ neh ai khai in Isak,