Esai 50:9 - Sră Goh 2018

⁹ Yàng Jehôwa la Yàng Tom Trồ Bơtau dong kòl Añ. Ñcau la cau rơp lơh nền glài Añ taih? Bol khai jơh tơl nă rơp klar yau kung be ồi ào, mŏ tu rơp sa roh bol khai jơh.

Esai 50:9 ပူးပေါင်းရင်းမြစ်များ

Sră Jop 13:19

Gơs cau lơi rgơi tòmdră mơ añ sơl? Dilah gơs, añ rơp ơm mŏ mŏ mơ chơt.

Sră Jop 13:28

Cau siar roh be dô nơm phan ồm lề, Kung be dô nơm ào gơkòl tu sa.”

Đơs Crih 102:26

Trồ tiah rơp roh rui, mơya Yàng gam sùm sùm; Trồ tiah rơp puh lơho be ào; Yàng rơp tòmgơl trồ tiah be ào, mơ gơ roh thit.

Đơs Crih 39:11

Tòm tŭ Yàng lơh glài tơmàl kòn mơnus tài bơh tồi glài, Gen Kơnràñ lơh siar roh bơta hàng mơnĕ khai dê ò gơkrơi be mŏ tu sa; Ngan, rài kis kòp nă dê la kung be mìng dô dơ̆ tă nhơm. (Selah)

Đơs Crih 54:6

Añ rơp ơn phan duh khoai bơh nùs kòñ ơn Kơnràñ in; Añ rơp ưnngài sơnđan Yàng dê, bơh bơta hơ̆ la niam; Ơ Yàng Jehôwa.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Jakơ 5:2

Phan mơna bol mê kòl ồm lề, ồi ào bol mê dê kòl mŏ tu sa rau.