Esai 5:9 - Sră Goh 2018

⁹ Yàng Jehôwa Gơnap Gơnoar Dờng neh srat să di tồr añ lah: “Ngan gơs oă hìu rơp lòi srau gòi, ală hìu dờng hàng mơnĕ rơp ò gơs cau ơm.

Esai 5:9 ပူးပေါင်းရင်းမြစ်များ

II Yal Yau 36:21

Nàng gơlik di ngan be jơnau Yàng Jehôwa neh kơnòm dê bơr Jeremi, jơl tus di ù geh bơtào wơl ală nam Saƀat gơ dê. Jơh ală nam neh lòi srau, ù geh prap gàr ngai Saƀat jơl tus wil tơl poh jơt sơnam.

Sră Jop 15:28

Bol khai rơp ơm tòm ală ƀòn dờng srau gòi, tòm ală hìu ò gơs cau ơm, Ală hìu neh rcang lòi gơlik gơs gơnru tơrlah tơrlơm.

Sră Jop 20:21

Ò gơs phan lơi gam wơl tơnơ̆ mơ tŭ bol khai neh sa; gen tàng bơta pas gơs bol khai dê ò gam jŏ.

Jơnau Pơnđik 15:27

Cau hàm hà cồng nha ò song ring lơh sơlồng sơlàng hìu bol khai dê; Ai cau gơjrañ phan sa loă rơp geh kis.

Esai 22:14

Să tòm Yàng Jehôwa Gơnap Gơnoar Dờng neh yal tơlik bơta do tòm tồr añ lah: “Nền ngan la tồi glài do rơp ò geh toh bol mê in jơl tus di tŭ bol mê chơt.” Jehôwa Yàng Tom Trồ Gơnap Gơnoar Dờng đơs behơ̆.

Esai 27:10

Bơh ƀòn dờng kơ̆ cê neh gơkòl lòi srau gòi, tiah ơm làng bol dê neh kòl sang lòi be ƀlàng bràs mơ ƀlàng ngềt ngơt; tềng hơ̆ ală kơnrồ kòn sa ñhơt, bic rlô mơ sa tơrging ală ntê chi.

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Amôs 6:11

Bơh Yàng Jehôwa neh ai jơnau sồr, mơ hìu dờng rơp kòl pòng tơrlah tơrlơm, mơ hìu dềt lề rpot rpet.

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.

Mathiơ 23:38

Do, hìu bol mê rơp gơkòl lòi srau gòi.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.