Esai 5:7 - Sră Goh 2018

⁷ Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Esai 5:7 ပူးပေါင်းရင်းမြစ်များ

Sơnròp Gơlik Gơs 4:10

Yàng Jehôwa lùp: “Ñchi bơta mê neh lơh taih? Jơnau mhàm oh mê dê bơh tòm ù hòi tus hơ Añ.

II Samuel 7:10

Mơ Añ rơp sac rwah dô bă tiah làng bol Israel Añ in, mơ Añ rơp tam bol khai, nàng bol khai in ơm tòm tiah tòm bol khai dê, mơ ò gơs tŭ lơi gam kong cau lơh dơrcul tai. Ală cau iơh bơsak rơp ò rồn bơklơn bol khai tai kung be lài òr,

Sră Jop 34:28

Tài bơh hơ̆ bol khai lơh gơs jơnau ñìm rac cau rƀah dê gơguh tus hơ Kơnràñ, mơ Kơnràñ kơno jơnau ñìm rac cau jê sồt bòl glar dê.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 149:4

Bơh Yàng Jehôwa niam nùs di làng bol Kơnràñ dê; Kơnràñ bơka cau pơndêt să in mơ bơta pha lin.

Đơs Crih 80:15

La tòm chi mơ tê ma Yàng neh tam.

Lik Ejiptơ 3:7

Gen Yàng Jehôwa đơs lah: “Añ neh gŏ loh làng bơta bòl glar làng bol Añ jê tòm lơgar Ejiptơ. Añ neh kơno jơnau bol khai hòi rac tài bơh ală cau at bồ rồn bơklơn; mơ Añ git jơh bơta jê sồt bol khai dê.

Jơnau Pơnđik 21:13

Cau lơi sềt tồr ò bài iat jơnau hòi driau cau rƀah lơòi dê, cau hơ̆ hòi driau kung rơp ò gơs cau lơi ho wơl.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Đơs Chò 7:6

Ơ cau kòñ gơboh añ, ai niam nùs ngan, niam nùs ò git nđò, lơh cau in hòn chò hừh hơh!

Esai 1:21

Sền ne, mbe ƀòn dờng dòn song gơlik gơs be cau ùr dri! Bơh lài gơ gơs bềng bơta song ngan, bơta song ring òs ơm sùm tòm hơ̆, mơya tŭ do gơ gơs bềng ală cau tơnchơt cau!

Esai 1:6

Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Esai 27:2

Tòm ngai hơ̆, đơs chò tĕ bơh suơn ño gơlik gơs oă plai!

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 3:15

Bol mê ò di jă trơm làng bol Añ jê, mơ tơnlề muh mat cau rƀah rƀừp dê.” Añ, Yàng Jehôwa Gơnap Gơnoar Dờng Làm Jơh đơs behơ̆.

Esai 3:17

Yàng Jehôwa rơp lơh bồ ală kòn ùr Siôn dê gơcat ngkàp, mơ Yàng Jehôwa lơh bol khai in ơm kuh lòi rồ.”

Esai 30:12

Behơ̆ tàng, Bơtau Sàng Goh Israel dê đơs be do: “Tài bơh bol mê neh sang lòi jơnau do mơ kơnòm di bơta rồn bơklơn, mơ bơta blac pơrlồm, mơ dòn kơnòm di bol khai.

Esai 46:12

Ơ ală cau kơldang nùs, ơm ngài bơh bơta song ring, iat tĕ Añ!

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Esai 59:14

Behơ̆ bơta cahrña song neh ruc wơl, mơ bơta song ring ơm ntào ngài; jơnau song neh gơtup pừ tòm ală hìu dờng mpồl jơnum dê, bơta song ngan ò rgơi mut.

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Jeremi 24:2

Dô nơm tòm bàr nơm bài geh ơn ală plai chi ƀal niam ngan, kung be plai chi ƀal bồ sơnam; ai dô nơm bài ne gen ơn plai ò niam dô êt lơi, iơh ngan tian gơs ò rgơi sa.

Jeremi 50:46

Kơno jơnau Babilôn gơkòl kup, ù tiah gơlơnggơr, mơ sap driau geh kơno digùl ală lơgar.

Ejekiel 22:29

Làng bol tòm lơgar òs sa kơrlơm mơ tìs glài ntung kơñau, bol khai rồn bơklơn cau rƀah lơòi mơ cau siơ̆u siar, mơ lơh ò di ò niam gơwèt mơ cau ơm tòp, ò lơh bơta song ring bol khai in.

Sră Ôse 10:1

Israel la dô tòm chi ño tơlir niam, gơlik plai gơ dê. Tòm tŭ plai khai dê sơlo bơtơl oă, khai bơt bơtào bơtơl ală cơnòng duh khoai tai; lơgar khai dê sơlo ntoat tơngguh, khai pò dờng ơnàng ală jrong duh khoai khai dê.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Habakuk 1:3

Ñchi Kơnràñ lòi añ in sền gŏ bơta lơh tìs, mơ lòi añ sền di bơta bòl glar tai taih? Bơta phà tơnroh mơ bơta rhung rhang ơm di đap añ; bơta tòmpìt tòmhà mơ tòm pơndang bal gơtơngguh.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

Jang 15:2

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Yal Wơl 15:9

Kơrhia tĕ bañ prap bơta kơlôi sơnơng iơh do: ‘Nam dơ̆ poh la nam toh jơh ală dồs rơp tus rềp,’ mơ bol mê ò yal tơlik nùs iơh gơwèt hơ oh mi siơ̆u siar bol mê dê mơ ò dong bol khai phan lơi. Bol khai rơp hòi lùp Yàng Jehôwa tòmdră mơ bol mê mơ bol mê rơp gơkòl àñ glài.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.