Esai 5:5 - Sră Goh 2018

⁵ Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 5:5 ပူးပေါင်းရင်းမြစ်များ

Sơnròp Gơlik Gơs 11:4

Bol khai đơs tai lah: “Behơ̆ bol he bơt tĕ dô nơm ƀòn, mơ bơt dô nơm gơlang jơnhoa tus hơ trồ, bol he lơh tĕ gơs pơnro sơnđan bol he in, rngòt bol he lòt gơprah gơpring tòm ù mòn!”

Sơnròp Gơlik Gơs 11:7

Behơ̆, Bol He mù lă, nàng lơh sơlồng sơlàng jơnau đơs bol khai dê, nàng bol khai in ò tòm wă jơnau đơs cau do mơ cau ne.”

Nehemi 2:3

Gen añ đơs mơ bơtau lah: Dan bơtau in kis sùm sùm! Mbe rgơi muh mat añ ò moat jrùng, tòm tŭ ƀòn dờng la tiah gơs bơtô ƀồc ồng pàng añ ơm srau gòi mơ ală mpồng gơ dê neh kòl tơnroh bơh ồs taih?

Đơs Crih 89:40

Yàng neh tơnroh jơh ală dơrñang khai dê, Lơh tơrlah tơrlơm ală theng kơ̆ cê khai dê.

Đơs Crih 89:41

Jơh ală cau lơi lòt gan gen tòmpìt sơmbrơt khai; Khai neh gơlik gơs bơta mơ cau gơp ƀòn khai dê sền òsơp.

Jơnau Pơnđik 24:31

Gŏ chi lò mrơt hòn làm tiah, ñhơt jơm ndơp ù tiah, mơ dơrñang lŭ gơ dê neh tơrlah rau.

Cau Bơto 3:3

Gơs tŭ tơnchơt, mơ gơs tŭ sơmbòi; gơs tŭ phà tơrlah, mơ gơs tŭ bơt bơtào;

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 25:10

Tê Yàng Jehôwa rơp ơn hơđang mơnơm do; Cau Môap rơp kong Kơnràñ jă trơm lề lac tòm tiah bol khai dê, kung be rhe kong jă lề tòm trồm ơn phan pơnđồm ù.

Esai 28:18

Bơta ho bal mơ bơta chơt bol mê rơp kòl tơnroh, bơta bol mê dô nùs bal mơ lơgar làng ƀồc rơp ò gam ntào kơ̆. Tòm tŭ bơta rung rài tơnroh lòt gan, gen bol mê rơp kong gơ jă tơnlề.

Esai 28:3

Sơgơn dơwàng bơkào jòng să ală cau bơñul ñô Epraim dê, rơp kòl jă lề hơđơm mpàng jơng.

Esai 32:10

Tòm dô nam mơ dô êt ngai tai, bol ai rơp rơm să, bol ai la ală cau lơh hừh nùs is; bơh kơnhai pic plai ño rơp roh, mơ kơnhai pic plai rơp ò tus tai.

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 21:4

‘Jehôwa Yàng Tom Trồ Israel dê, đơs be do: Añ rơp tơrwơl ală phan tòmlơh tòm tê bol mê at nàng tòmdră mơ bơtau Babilôn mơ cau Kalde ơm gơrwàng bol mê đah bơdìh dơrñang, gen Añ rơp cèng tơrgòm gơtơmut digùl ƀòn dờng do.

Jeremi 28:8

Ală cau gơnoar hwơr lài mơ Añ mơ lài mơ mê, bơh lài neh đơs hwơr bơh bơta kơlìn gơtoă, rung rài, mơ pluh plàng ală ƀòn dờng mơ ală lơgar in.

Jeremi 45:4

Mê đơs tĕ mơ khai lah: “Yàng Jehôwa đơs be do: ‘Ne, Añ rơp phà tơrlah jơh ală phan Añ neh bơtào, Añ dus sang jơh ală phan Añ neh tam, bơta hơ̆ gơlik gơs tòm làm jơh lơgar.

Ñìm Rac 1:15

Yàng Jehôwa neh sang lòi ală cau ling jak tòmlơh bơh digùl añ. Kơnràñ neh yal tŭ tơngai tòmdră mơ añ, jă trơm ală cau pơnu añ. Yàng Jehôwa jă trơm ală cau ơruh dềt Juda dê, kung be cau pat tơrnòm ño.

Ñìm Rac 2:6

Kơnràñ neh lơh tơrlơm ală tum kung be dô nơm suơn; Kơnràñ neh tơnroh cơnòng duh khoai Kơnràñ dê; Yàng Jehôwa neh jùt sang tòm Siôn ngai pơjum sa mơ ngai Saƀat; Tòm bơta gơhào gơjrañ Kơnràñ dê, Kơnràñ neh sang tơlik bơtau mơ cau gơnoar ơn phan duh khoai.

Ñìm Rac 4:12

Ală cau bơtau hơđang ù ò bài dòn, hala ală làng bol ơm hơđang plai ù kung ò dòn, Cau sò tơm mơ cau tòmdră rgơi mut tòm ală mpồng ƀòn dờng Jerusalem.

Daniel 8:13

Gen añ kơno dô bơtau sàng goh đơs, mơ dô bơtau sàng goh ndai đơs mơ bơtau ơm đơs hơ̆ lah: “Gam nđò jŏ sồng gơlik di ngan bơta gơtơnggŏ bơh phan ơn duh khoai kòp ngai, bơh tồi glài tòmdră lơh gơlik gơs bơta tơnroh, mơ bơh bơta sang phi tiah sàng goh bal mơ mpồl hơđang trồ tồ gơkòl jă trơm hơđơm jơng taih?”

Sră Ôse 2:12

Añ rơp tơnroh ală chi ño mơ chi ƀal khai dê, mơ khai đơs lah: ‘Ală chi do la jền tơngai mơ ală cau añ kòñ gơboh neh ai añ in.’ Añ rơp lơh ală chi hơ̆ gơlik be chi tòm dơr brê, mơ ală phan brê rơp sa loan gơ.

Sră Ôse 2:14

Gen tàng tŭ do Añ rơp jà pơndòm khai, Añ rơp lam khai tus tòm ƀlàng ngềt ngơt, mơ ai jơnau bơkah lơngồt đơs mơ khai.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.