Esai 5:16 - Sră Goh 2018

¹⁶ Mơya Yàng Jehôwa Gơnap Gơnoar Dờng rơp geh yò tơngguh bơh bơta song ngan, mơ Yàng Tom Trồ Sàng Goh rơp ràng tơlik să tòm Kơnràñ sàng goh bơh bơta song ring

Esai 5:16 ပူးပေါင်းရင်းမြစ်များ

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;

Đơs Crih 21:13

Ơ Yàng Jehôwa, dan Kơnràñ geh yò tơngguh tòm gơnoar pràn Kơnràñ dê! Bol hi rơp đơs chò jòng ro gơnap gơnoar Kơnràñ dê.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)

Esai 12:4

Mơ bol mê rơp đơs tòm ngai hơ̆ lah: “Ưnngài tĕ Yàng Jehôwa, hòi dan tĕ di sơnđan Kơnràñ; yal tơnggit tĕ ală broă Kơnràñ neh lơh digùl ală làng bol, mơ yal tơlik tĕ lah sơnđan Kơnràñ geh yò tơngguh.

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 2:9

Behơ̆ kòn mơnus rơp kong tơnliah; bañ toh glài bol khai, ơ Yàng!

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Esai 29:23

Bơh tòm tŭ khai gŏ ală kòn sau khai dê, broă lơh tê Añ jê digùl khai, bol khai rơp prap gàr sơnđan Añ sàng goh; bol khai rơp lơh sàng goh Bơtau Sàng Goh Jakôp dê, mơ duh rngòt di Yàng Tom Trồ Israel dê.

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 33:10

Yàng Jehôwa đơs: “Tŭ do Añ rơp guh, tŭ do Añ rơp geh yò tơngguh să tòm Añ hơđang.

Esai 33:5

Yàng Jehôwa geh yò tơngguh bơh Kơnràñ ơm hơđang tiah jơnhoa; Kơnràñ lơh bềng lìu Siôn mơ bơta song ngan mơ song ring.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Esai 61:8

Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Esai 8:13

Mơya rngòt tĕ di Yàng Jehôwa Gơnap Gơnoar Dờng la Bơtau bol mê ơn nùs sàng goh; lòi tĕ Kơnràñ la Bơtau bol mê pal rngòt, mơ lòi Kơnràñ gơlik bơta rngòt rngơt bol mê dê.

Ejekiel 20:41

Añ rơp dòp bol mê kung be kơlhô ƀô bơlhu tòm tŭ Añ cèng bol mê lik bơh di ală làng bol, mơ pơjum tơrgòm bol mê bơh di ală lơgar mơ bol mê neh kong nrah nring; mơ Añ rơp yal tơlik să tòm Añ sàng goh digùl bol mê mơ di đap ală làng bol.

Ejekiel 28:22

mơ đơs tĕ lah: Jehôwa Yàng Tom Trồ đơs be do: ‘Ơ Sidôn, Añ tòmdră mơ mê, mơ Añ rơp geh gơklŏ bơh digùl mê, bol khai rơp git Añ la Yàng Jehôwa, tòm tŭ Añ lơh gơlik gơs bơta cahrña hơđang gơ mơ yal tơlik să tòm Añ la sàng goh tòm gơ.

Ejekiel 28:25

Jehôwa Yàng Tom Trồ đơs be do: “Tòm tŭ Añ pơjum tơrgòm hìu Israel bơh digùl ală làng bol mơ bol khai neh kong gơprah gơpring, gen Añ neh yal tơlik bơta sàng goh Añ jê digùl bol khai di đap ală làng bol. Behơ̆, bol khai rơp ơm tòm ù tòm bol khai dê mơ Añ neh ai cau duh broă Añ in la Jakôp.

Ejekiel 36:23

Añ rơp lơh sàng goh sơnđan dờng Añ jê, la sơnđan neh gơkòl cau sền òsơp digùl ală làng bol, sơnđan mơ bol mê neh lơh cau sền òsơp digùl bol khai. Gen ală làng bol rơp git Añ la Yàng Jehôwa tòm tŭ añ bơh bol mê mơ ràng tơlik bơta sàng goh Añ jê di đap bol khai, Jehôwa Yàng Tom Trồ đơs behơ̆.

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 38:23

Behơ̆, Añ rơp ràng tơlik bơta dờng ngan mơ bơta sàng goh Añ jê, mơ Añ rơp tơnggit să tòm Añ di đap mat oă lơgar. Gen bol khai rơp git Añ la Yàng Jehôwa.’”

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Lebi 10:3

Gen Môise đơs mơ Arôn lah: “Do la jơnau Yàng Jehôwa neh đơs bơh bơta hơ̆: Digùl ală cau tus rềp di Añ; Añ rơp yal tơlik să tòm Añ sàng goh, mơ di đap jơh ală làng bol Añ rơp geh jòng ro.” Arôn ơm mŏ mŏ.

Khà Làng Bol 20:13

Hơ̆ la tòm dà Meriba la tiah cau Israel tòm pơndang mơ Yàng Jehôwa, mơ la tiah Kơnràñ neh ràng tơlik să tòm Kơnràñ sàng goh digùl bol khai.

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

I Pier 1:16

bơh Sră Goh neh cih lah: “Bol mê pal gơs sàng goh, bơh añ la sàng goh.”

I Pier 2:15

Bơh nùs kòñ Yàng Tom Trồ dê la oh mi lơh broă niam nàng tơmềm bơr bơrngơl ală cau tùl gơla dê.

I Pier 3:15

Mơya duh rngòt tĕ di Bơtau Krist la sàng goh mơ bơtào Kơnràñ lơh gơs Yàng tòm nùs oh mi dê. Pal sùm sùm rcang sir nàng ho wơl mơ cau lơi lùp bơh bơta gơn kơnòm tòm oh mi, mơ lơh bơta hơ̆ dô bă niam lơnhơn mơ duh rngòt.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”