Esai 5:12 - Sră Goh 2018

¹² Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Esai 5:12 ပူးပေါင်းရင်းမြစ်များ

Sơnròp Gơlik Gơs 31:27

Mbe mê dô òm, pơrlồm mơ ò ai añ in git lài taih? Digơlan añ jun mê ò git tai lòt tòm bơta chò hòp, jơnau đơs chò, ntas kơñi mơ ntas sơnggơr.

II Samuel 19:35

Tŭ do añ neh phàm jơt sơnam rau. Añ rgơi đal git bơta niam mơ bơta ò niam sơl ơ? Cau duh broă bơtau dê rgơi liap ală phan khai sa mơ phan khai ñô sơl ơ? Añ gam rgơi kơno sap ală cau klau mơ cau ùr đơs chò sơl ơ? Ñchi bơh tài cau duh broă bơtau dê bơtơl ơnòng kơnjơ̆ hơđang cau tòm añ jê la bơtau in taih?

Sră Jop 34:27

Tài bơh bol khai wèt ò lòt jat Kơnràñ, Mơ sền di ală gùng dà Kơnràñ dê.

Đơs Crih 28:5

Tài bơh bol khai ò bài kơlôi bơh ală broă Yàng Jehôwa dê, Kung ò bài sơnơng bơh broă tê Kơnràñ lơh, Gen tàng Kơnràñ rơp tuh tơlup bol khai, ò bơtào bol khai tai.

Esai 22:13

Mơya ngan, gơs bơta hòn chò mơ ñô sa chò hòp, sreh kơnrồ mơ tơnchơt belàt, sa poac mơ ñô tơrnòm! Bol mê đơs lah: “Bol he sa ñô tĕ, bơh ngai hìng bol he rơp chơt!”

Esai 24:8

Ntas sơnggơr chò hòp ò gam tai, ală sap nggồr nggàc neh dơh wơl, sap kơñi rơs bơkah tồr ò gam tai.

Esai 29:1

Bòl glar ngan mê in, ơ Ariel, Ariel, la ƀòn dờng Dabit neh lơh sàl tềng hơ̆! Bơtơl oă nam; lòi ală ngai pơjum sa kư̆ lòt rlau.

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Ejekiel 26:13

Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Luka 16:19

“Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

I Kôrintô 14:7

Bulah ală phan ò gơs nhơm kis mơ lơh ntas, kung be tơliă hala kơñi pĕ mơ tê, dilah ò cah is ntas gen mbe git ñchi tơnggume cau uh hala pĕ taih?

Jude 1:12

Ală cau hơ̆ la tềl ƀơ̆ ƀơl tòm bơta pơjum sa kòñ gơboh oh mi dê, bol khai kư̆ ñô sa rui ràm khat gơboh bal mơ gơp dô bă ò rngòt, bol khai mìng siam is să he; bol khai kung be mhwal ò gơs dà, jat càl pơrdô tềng do tềng dă; kung be chi di di kơnhai plai mơya gơ ò gơs plai, bàr dơ̆ chơt, gơlừ ryas.

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.