Esai 5:11 - Sră Goh 2018

¹¹ Bòl glar ală cau guh gòñ bơh rìng àng drim nàng ting jat tơrnòm, mơ ơm pơrwài tus mang, gơlik duh trơàl bơh tơrnòm,

Esai 5:11 ပူးပေါင်းရင်းမြစ်များ

II Samuel 19:35

Tŭ do añ neh phàm jơt sơnam rau. Añ rgơi đal git bơta niam mơ bơta ò niam sơl ơ? Cau duh broă bơtau dê rgơi liap ală phan khai sa mơ phan khai ñô sơl ơ? Añ gam rgơi kơno sap ală cau klau mơ cau ùr đơs chò sơl ơ? Ñchi bơh tài cau duh broă bơtau dê bơtơl ơnòng kơnjơ̆ hơđang cau tòm añ jê la bơtau in taih?

Jơnau Pơnđik 20:1

Alak tơrnòm lơh cau in dơñŏ tơnhial, phan ñô bơñul lơh cau in đơs tràl sơrbil; dilah cau lơi ngui gơ oă ir, ò di la jak chài.

Jơnau Pơnđik 23:32

Tơnơ̆ wơl, gơcoh be bơs, kap be bơs tur;

Esai 22:13

Mơya ngan, gơs bơta hòn chò mơ ñô sa chò hòp, sreh kơnrồ mơ tơnchơt belàt, sa poac mơ ñô tơrnòm! Bol mê đơs lah: “Bol he sa ñô tĕ, bơh ngai hìng bol he rơp chơt!”

Esai 24:9

Ò gam gơs cau ñô tơrnòm ndang đơs chò ndang tai; tơrnòm gơlik bơtang tòm bơr cau ñô gơ.

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Esai 28:3

Sơgơn dơwàng bơkào jòng să ală cau bơñul ñô Epraim dê, rơp kòl jă lề hơđơm mpàng jơng.

Esai 5:22

Bòl glar ală cau in geh sơnđan la cau jak ñô tơrnòm, la cau jak khà dùl bơcă ală phan ñô bơñul,

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Habakuk 2:15

Bòl glar cau lơi in ai tơrnòm ală cau gơp ƀòn he in, tròc gơ bơh di nhồng gơltau bol khai in ñô jơl tus di tŭ bơñul nàng khai rgơi sền trol di să kuh bol khai dê!

Habakuk 2:5

Rlau mơ hơ̆, tơrnòm la bơta pơrlơ̆ dră; bơta pơnhừ să mơ ò ơm rlô. Bơh bol khai pò ơnàng ngko kung be bơtô ƀồc, kung be bơta chơt ò tŭ lơi tơl. Khai tơrgòm jơh ală lơgar să tòm khai in, mơ hòi pơjum jơh ală làng bol gơrê mơ bol khai.”

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

I Kôrintô 6:10

cau ntung kơñau, cau hàm hà, cau bơñul lơmbè, cau lah sơrpah, cau sa kwà, jơh ală cau hơ̆ ò geh pơrdòn lơgar Yàng Tom Trồ.

Galati 5:21

ƀoah gơjrañ, bơñul lơmbè, jròk ñô sa, mơ ală bơta ndai ndròm bal behơ̆ sơl. Añ bơto tơngkah oh mi be añ neh bơto rau: Dilah cau lơi tìs tòm ală bơta behơ̆ gen ò geh pơrdòn lơgar Yàng Tom Trồ dê.

I Samuel 25:36

Tòm tŭ Abigail rê tus hơ Nabal; Nabal bơñul oă ngan, ơm ñô sa tòm hìu khai dê be bơta ñô sa dờng cau bơtau dê. Nùs Nabal dê hòn chò ngan tòm khai. Behơ̆ Abigail ò đơs jơnau lơi mơ khai jơl tus di ngai hìng.